Policia në Hamburg është duke kërkuar dy të rinj të armatosur, pasi ata raportohet se kanë kërcënuar një mësuese në shkollë para se të iknin nga vendi i ngjarjes, raporton “BBC”.
Policia e Hamburgut ka bllokuar rrugët në zonën Blankenese dhe janë dërguar policë të armatosur brenda në shkollë.
Disa nxënës janë evakuuar sipas policisë. Nuk është ende e qartë nëse ka ndonjë të lënduar.
Policia e Hamburgut ka thënë se ka marrë masat fillestare.
Sipas hetimeve fillestare, thuhet se dy të rinj të armatosur kanë kërcënuar një mësuese me armë apo ia kanë treguar armën.
Policia ka raportuar se të dy kanë ikur më pas nga klasa.
Televizioni gjerman “NDR” ka thënë se nuk është e qartë nëse të dyshuarit janë nxënës të shkollës. Të dyshuarit, të moshave mes 12 dhe 16 vjet, mësohet se kërcënuan me një pistoletë të zezë.
