Është kërcënuar drejtori i shkollës “Mazllum Këpuska” në Gjakovë. Lajmin e ka bërë të ditur Drejtoria e Arsimit në këtë komunë, ku ka njoftuar se ka ftuar Policinë e Kosovës të rrit masat e sigurisë në shkolla, shkruan AlbanianEducation.net.
Njoftimi i plotë:
Drejtoria e Arsimit shpreh keqardhje për kërcënimet apo kanosjet që ju bëhet drejtorëve të shkollave dhe mësimdhënësve kohë pas kohe në shkolla dhe vende të punës.Një rast të tillë e kishim sot në SHMU” Mazllum Këpuska”.
Kemi zhvilluar takime me zyrtarët policor lidhur me rritjen e masave të sigurisë në shkolla (edhe pas rastit të ndodhur mes dy nxënësve në SHMLM” Hysni Zajmi”).Bazuar edhe në planin operativ të policisë, kemi kërkuar kontrolle të shpeshta edhe përreth shkollave por edhe brenda objekteve.
Prindërit duhet të jenë bashkëpunëtorët më të sigurtë në shkolla dhe për ne është e papranueshme kërcënimi ndaj drejtorëve dhe mësimdhënësve tanë.
Poashtu, nuk do të jemi aspak tolerant ndaj nxënësve që ushtrojnë dhunë apo edhe synojnë të hynë në shkolla me çfardo mjeti të rrezikshëm.
