Këngë, valle dhe emocione në festën e 28 Nëntorit në shkollën “Selami Hallaçi” në Gjilan

Në ambientet e shkollës “Selami Hallaçi” në Gjilan u zhvillua sot një aktivitet festiv me rastin e Ditës së Flamurit Kombëtar, duke mbledhur nxënës, mësues dhe prindër në një atmosferë të mbushur me emocione dhe krenari kombëtare.

Gjatë programit artistik, nxënësit interpretuan këngë patriotike, valle tradicionale dhe recitime kushtuar historisë shqiptare, duke rikthyer në skenë figura, simbole dhe momente të rëndësishme të kombit.

Performancat e tyre u pritën me duartrokitje të zjarrta dhe vlerësim të veçantë nga të pranishmit.

Stafi pedagogjik u shpreh se aktivitete të tilla i shërbejnë forcimit të identitetit kombëtar tek fëmijët dhe ruajtjes së vlerave të trashëgimisë sonë kulturore.