Në shkollën “Qamil Ilazi” është mbajtur një aktivitet letrar, ku u promovuan librat e katër autoreve të reja: Leina Baftijaj, Adea Ilazi, Tringa Gjini dhe Erina Bruti.
Ky aktivitet u realizua me mbështetjen e mësimdhënëses Vlora Rexha, e cila ka inkurajuar dhe udhëhequr nxënëset në zhvillimin e talentit të tyre në fushën e shkrimit dhe krijimtarisë letrare.
Promovimi solli para të pranishmëve punën dhe përkushtimin e autoreve të reja, duke dëshmuar pasionin dhe potencialin e tyre në letërsi. Ky aktivitet u vlerësua si një hap i rëndësishëm në nxitjen e leximit dhe krijimtarisë tek nxënësit.
Ngjarje të tilla kontribuojnë në zhvillimin kulturor dhe edukativ të të rinjve, duke u dhënë atyre hapësirë për të shprehur idetë dhe talentin e tyre në mënyrë kreative.
