Katër mësimdhënëse të shkollës “Zekeria Rexha”, në Gjakovë kanë përfituar përtërirjen e Licencës së Karrierës, pas përfundimit të procesit të vlerësimit të performancës në përputhje me legjislacionin në fuqi për arsimin parauniversitar.
Bazuar në Ligjin për Arsimin Parauniversitar, Udhëzimin Administrativ (MASHTI) Nr. 15/2023 për Vlerësimin e Performancës së Mësimdhënësve, Udhëzuesin për Vlerësimin e Performancës së Mësimdhënësit për Përtërirje të Licencës së Karrierës, si dhe raportet e vlerësimit të hartuara nga ekipi vlerësues i shkollës, drejtori i institucionit ka nxjerrë vendim për përtërirjen e licencave.
Licenca e Karrierës është përtërirë për mësimdhënëset Valbone Dinarama, Majlinda Polloshka, Majlinda Brovina dhe Nertila Gojani.
Procesi i vlerësimit është mbështetur në formularët përkatës të vlerësimit nga drejtori, vetëvlerësimit të mësimdhënësit, vlerësimit nga kolegët, vlerësimit nga nxënësit, si dhe në raportin përmbledhës me të dhënat e detajuara të vlerësimit.
Sipas vendimit të shkollës, licencat e përtërira do të jenë të vlefshme për periudhën shtatëvjeçare, nga 17 qershori 2026 deri më 16 qershor 2033.
