Nxënësit e klasës së tetë të shkollës ‘Pavarësia’ në Prishtinë rikthimi nga pushimi vjeshtor i gjeti ndryshe. Ata nuk do t’i kenë telefonat në duart e tyre gjatë tërë periudhës së procesit mësimor.
Njoftimi është dhënë nga Drejtoria e Shkollës përmes një postimi në Facebook:
Njoftimi i shkollës:
Shkolla “Pavarësia”, me qëllim të rritjes së përqëndrimit të nxënësëve në procesin e mësimnxënies, respektivisht distancimit nga telefoni, ka marrë iniciativën që TELEFONAT TË VENDOSËN NË KASAFORTË.
Në fillim të mësimit (7:30) nxënësit fusin telefonat në “burg” dhe nga aty i marrin pasi të mbaroj mësimi (12:40).
Shpejt do të vendosen në secilën klasë kasafortat!
Si mësimdhënësit, ashtu edhe nxënësit kanë mirëpritur këtë nismë! 👏👏
Patjetër se ky hap ka ndikuar në uljen e shpërqëndrimit të nxënësëve!
Faleminderit prindërve për përkrahjen e vazhdueshme në realizimin e projekteve të ndryshme të shkollës 👏
