Edhe më pak se një muaj kanë mbetur kur nxënësit do t’i rikthehen bankave shkollore dhe do të nis viti i ri shkollor.
Për dallim nga viti i kaluar, sivjet viti i ri shkollor pritet të fillojë më 1 shtator, gjihmonë nëse papritur nuk nis ndonjë grevë në arsim.
Gjysmëvjetori i parë fillon më 1 shtator 2023 dhe mbaron më 12 janar të vitit 2024, shkruan AlbanianEducation.net.
Gjysmëvjetori i dytë fillon më 24 janar 2024 dhe përfundon më 16 maj 2024 për nxënësit të cilët e përfundojnë shkollën e mesme të lartë, klasën e 12 (maturantët).
Më 6 qershor 2024 përfundojnë mësimin nxënësit e klasave 9, 10 dhe 11.
Më 21 qershor 2024 përfundon mësimi për nxënësit e klasave 1-8 dhe fëmijët parafillor.
Për dallim nga vitet e kaluara do të ketë edhe pushim vjeshtor.
Pushimi vjeshtor fillon më datë 1 nëntor dhe përfundon më 3 nëntor.
Pushimi dimëror fillon më 15 janar 2024 dhe mbaron më 23 janar 2014.
Pushimi pranveror fillon më 8 prill 2024 dhe mbaron më 12 prill 2024.
Si edhe vitin e kaluar shumë festa do të bien në ditë mësimi dhe nuk do të mbahet mësim.
