E premte, 19 Prill, 2024

Ka nisur hapja e shkollave, si ta kuptoni që fëmija është prekur me coronavirus

- Advertisement1-

Humbja e oreksit, simptomë e mundshme e coronavirusit te fëmijët.

Nëse fëmija juaj sjell në shtëpi një drekë të paketuar të pa ngrënë, mund të jetë një shenjë e coronavirusit, kanë paralajmëruar shkencëtarët.

- Advertisement -

Më shumë se një e treta e fëmijëve të moshës që ende vijojnë shkollën, të prekur nga COVID-19 vuajnë nga humbja e oreksit që i shtyn ata të heqin dorë nga vaktet.

Prindërit dhe mësuesit tani po paralajmërohen të shikojnë për simptoma më pak të njohura të sëmundjes ndërsa shkollat ​​kthehen dhe rreziku i infektimit rritet.
Një ekip nga King’s College në Londër ka monitoruar qindra fëmijë të infektuar duke përdorur një aplikacion celular gjurmues të simptomave COVID-19.

Ata zbuluan se shumica e të rinjve që testojnë pozitivisht nuk tregojnë shenja klasike të virusit, të tilla si një kollë e vazhdueshme, ethe ose humbjen e nuhatjes.
Në vend të kësaj, ata gjetën se shumica e të rinjve me virus kishin tendencë të anashkalonin vaktet, të vuanin dhimbje koke dhe të ndjeheshin të rraskapitur.

- Advertisement -

Pesë simptomat kryesore të personave në nën moshën 18 vjeçare me virusin ishin: lodhja (55 për qind), dhimbje koke (53 për qind), ethe (49 për qind), dhimbje fyti (38 për qind) dhe humbje e oreksit (35 për qind).

Aplikacioni zbuloi gjithashtu se një në gjashtë (15 për qind) fëmijë që rezultuan pozitivë pësuan një skuqje të lëkurës e cila kruhej, shkruan dailymail.

Kjo ishte e ndryshme krahasuar me të dhënat e aplikacionit për të rriturit: lodhje (87 për qind), dhimbje koke (72 për qind), humbje e nuhatjes (60 për qind), kollë e vazhdueshme (54 për qind) dhe dhimbje të fytit (49 për qind).

- Advertisement -

Gjetjet bazohen në të dhëna nga 198 fëmijë me teste pozitive dhe 15.800 teste negative.

Një e treta e fëmijëve me COVID-19 nuk treguan shenja infeksioni, duke përforcuar gjetjet e mëparshme se shumë janë asimptomatikë.

Gjithnjë e më shumë simptoma të COVID-19 po raportohen, ndërsa mjekët dhe shkencëtarët mësojnë më shumë rreth virusit i cili u zbulua vetëm disa muaj më parë.

Share

Të fundit

Të tjera nga kategoria

Mërgimtari nga Zvicra i dhuron bankat për tre klasa të shkollës “Abdyl Frashëri” në Bogovinë

Mërgimtari nga Zvicra, Ylber Jakupi,i ka dhuruar bankat për tre klasa të shkollës "Abdyl...

Hapat që duhet të ndiqni për të zgjedhur shkollën e duhur për fëmijët tuaj

Nëse jeni në kërkim të një shkolle të re për fëmijën tuaj, është thelbësore...

Eda Karaqa, nxënësja e Probit Acdemy e para në Kosovë në garat kombëtare në Scratch

"Probiti ka qenë një ndihmë shumë e madhe për mua, pasi më ka udhëzuar...

Në shkollën “Naim Frashëri” në Vushtrri mbahet “Garë diturie” me nxënësit e klasave I deri IV, në katër fusha

Shkolla "Naim Frashëri" në Vushtrri ka njoftuar se është mbajtur "Garë diturie" me nxënësit...