Kampusi universitar i Universitetit “Isa Boletini” në Mitrovicë është më moderni në Kosovë.
Për nga pamja është i krahasueshëm edhe me Universitetet më të njohura botërore, ndërsa për nga kualiteti dhe cilësia e mësimit, lë shumë për të dëshiruar.
Anipse në pamje duket modern, studentët po ankohen se brenda hapësirave po mungon ngrohja.
Ky problem është që një kohë të gjatë, pasi nxemjet ndalen para orës 16:00, ndërsa studentët që vazhdojnë ligjeratat pas kësaj ore dhe në vikend po mërdhijnë nga të ftohtit.
Mungesa e ngrohjes, po shkakton edhe mungesa të studentëve nëpër ligjerata, poashtu edhe kualiteti i ligjërimit dhe mësimnxënies është më i dobët. Shumëherë ndodh që profesorët t’i shkurtojnë orët për shkak të ftohtit në këto temperatura të ulëta.
Ndryshe ky Universitet dje ka festuar 9 vjetorin e themelimit, ndërsa gjatë kësaj periudhe u karakterizua me shumë skandale, nga punësimet nepotiste, mosakreditime të programeve e deri tek rrahja e stafit.
