Një foshnjë ka ndërruar jetë rreth një muaj më parë si pasojë e një virusi shumë të zakonshëm, herpesit.
Pas qëndrimit për 3 javë në spital, fëmija nuk mundi të mbijetonte. Me gjithë dhimbjen që ka shkaktuar kjo tragjedi, babai i fëmijës nuk ka pritur më gjatë për të bërë një apel për gjithë prindërit.
Jeff Gober, ka postuar një mesazh të gjatë në facebook, në mënyrë që të rrisë ndërgjegjësimin në mesin e prindërve dhe për të shpjeguar se sa e rrezikshme mund të jetë një puthje miqësore, si në duart dhe në fytyrën e fëmijës.
Sipas OBSH-së, 67% e njerëzve vuajnë nga herpesi, por shumë pak prej tyre e dinë sepse jo gjithmonë virusi shfaqet përmes një plage.
Kjo është arsyeja pse ju mund të jeni duke vuajtur nga herpesi dhe pa e ditur ju puthni një fëmijë, duke ia transmetuar rrezikun.
Babai i vogëlushes tregon se ajo kurrë nuk ka qenë në kontakt me një person që ka pasur herpes të dukshëm. Javën e parë vogëlushja nuk ka shfaqur shenja si tempertuarë dhe kur ata e kuptuan se ishte infektuar, ishte shumë vonë që antiviralet të funskiononin.
“Më shumë se gjysma e botës ka herpes, por ndodhi që vajza ime të vdiste nga një i tillë. Kështu është bota”, – ka shkruar ai.
Ai përfundoi mesazhin e tij me këshillë për të gjithë prindërit, për të siguruar që gjëra të tilla të mos ndodhin përsëri: “Ju lutem kujdesuni të lani duart tuaja dhe të fëmijëve. Mund të keni herpes pa e ditur”.
