Titulli “Drejtore e Muajit” për muajin nëntor nê Prishtinë i është ndarë drejtoreshës së ShFMU “Faik Konica”, Jehona Oruçi, me vlerësim për angazhim shembullor, shkruan AlbanianEducation.net.
Njoftimi nga Donjeta Sahatçiu:
Po vazhdojmë me përzgjedhjen e Drejtorit/es më të mirë të muajit në shkollat e Kryeqytetit 👏🏻
Titulli “Drejtore e Muajit” për muajin nëntor i ndahet Drejtores së ShFMU “Faik Konica”, znj. Jehona Oruçi, me vlerësim për angazhim shembullor. Rritja e mirëqenies në shkollë, bashkëpunimi me nxënës dhe qasja proaktive me pozitivitet i Jehonës janë motivim për të gjitha shkollat, po edhe për ekipin pranë Drejtorisë së Arsimit në Kryeqytet.
Jehona është kampione e promovimit të temave të sigurisë dhe mirëqenies në shkollë. Shpesh kemi dëgju raste të raportimit të dhunës në shkollën e saj, e shpesh shkolla është etiketu si “problematike”. Por pak e kanë kuptu që kjo ka ndodhë jo pse kjo shkollë është më shumë ose më pak problematike, por që Jehona ka transparencë të lartë dhe nuk heziton me i identifiku e me u marrë me secilin rast. Është virtyt i lartë me rreziku namin e shkollës duke raportu raste të dhunës, vetëm e vetëm që me rritë mirëqenien e sigurinë në shkollë.
Por çka e bën Jehonën edhe më të veçantë në qasjen e saj si udhëheqëse e shkollës është edhe përfshirja e nxënësve në secilin aktivitet dhe planifikim të shkollés. Është ndër shkollat e pakta në Prishtinë prej të cilave marrim ftesa prej vetë nxënësve për iniciativa që i kanë filluar e që gëzojnë mbështetjen e saj. Çdo vit, Këshilli i Nxënësve të shkollës është më kreativ sesa vitin e kaluar, e kjo punë kërkon përkushtim e mbështetje nga stafi menaxherial i shkollës.
Vazhdo tutje Jehona, ke mbështetjen e plotë Faleminderit për përkushtimin e madh në dobi të nxënësve e komunitetit të shkollës.
*Ky është vlerësim simbolik që ekipi i Drejtorisë së Arsimit ka filluar në muajin tetor për të motivuar drejtorët e shkollave, dhe jo vetëm, në punën e tyre me shumë përgjegjësi shoqërore.
#BashkëeNdreqim
