Gjatësia dhe pesha e foshnjës në javën e 19-të të shtatzënisë
Foshnja juaj është rreth 15 centimetra e gjatë në javën e 19-të të shtatzënisë – sa madhësia e një bananeje. Gjithashtu peshon po aq. Në javën e 19-të të shtatzënisë, pesha është rreth 200 gram, e cila është sa pesha e një tabele të çokollatës ose sa një filxhan kos. Një peshë që aktualisht mund ta mbani ende pa ndonjë problem.
Fëmija juaj ende mund të lëvizë mirë dhe të trajnojë muskujt e tij në javën e 19-të të shtatzënisë. Kjo do të ndryshojë në javët e ardhshme pasi do të rritet vazhdimisht në madhësi dhe peshë.
Zhvillimi i foshnjës
Organet shqisore të fëmijës tuaj tani janë zhvilluar aq mirë sa reagojnë qartë ndaj qetësisë dhe zhurmës. Kjo është faza e parë e adaptimit për jetën jashtë mitrës dhe ritmin tuaj personal.
Personi i vogël që rritet brenda jush, tashmë ka një nevojë të madhe për dashuri. Ajo i përgjigjet ngrohtësisë së dorës kur e vendosni mbi bark. Kjo tashmë përfaqëson komunikimin e parë intensiv midis jush. Babai, vëllezërit e motrat ose miku i mirë, gjithashtu mund të vendosë kontakt fillestar në këtë mënyrë.
Foshnja gjithashtu i percepton zërat në mënyrë intensive në javën e 19-të të shtatzënisë dhe i njeh ata. Sidomos pas lindjes, zëri i nënës, në veçanti, ka një ndikim qetësues tek i porsalinduri. Pastaj ndien, edhe erën e saj, duke u siguruar se ndodhet në mjedis të sigurt dhe të njohur.
Në javën e 19-të të shtatzënisë, zhvillimi i trurit përparon me shpejtësi. Pjesët e trurit që janë përgjegjëse për perceptimin shqisor – të tilla si shija, nuhatja, dëgjimi dhe shikimi, si dhe prekja – në këtë fazë, vazhdojnë tutje të zhvillohen.
Bebja juaj do të vazhdojë të praktikojë refleksin e tij të thithjes dhe shpesh do të thithë gishtin e madh. Kjo aftësi shërben edhe për ta qetësuar atë pas lindjes. Përveç ngrënies, lëvizjet e thithjes gjithashtu sigurojnë besim dhe relaksim.
Refleksi i kapjes ka gjithashtu një rëndësi të madhe për foshnjën. Foshnja i lëviz gishtat dhe i shtrëngon në një grusht. Ajo gjithashtu mund të mbajë hundën e vet, të kapë dhe tërheqë kordonin e kërthizës.
Lëkura e foshnjës trashet në vende të caktuara, prandaj nuk është më aq e tejdukshme si më parë.
A jeni duke pritur një djalë? Ndërsa skrotumi është i dukshëm qartë tek djemtë, në javën e 19-të të shtatzënisë, testikujt qëndrojnë në ngjitur për bark deri pak para lindjes dhe më pas zhvendosen në skrotum. Foshnja mashkull në këtë kohë prodhon testosteron, hormon i cili është i rëndësishëm për zhvillimin e testikujve, që nga java e 16-të e shtatzënisë.
A jeni duke pritur një vajzë? Disa milion vezë qelizore janë formuar tashmë në vezoret e fëmijës tuaj deri në javën e 19-të të shtatzënisë tuaj. Këto vazhdojnë të piqen pasi ajo të jetë bërë femër dhe të jetë pjekur si grua gjatë pubertetit. Çdo muaj, një vezë do të lërë vezoren për tu fekonduar. Kjo do të thotë se qelizat vezore mund të fekondohen më vonë, janë krijuar tashmë tek një vajzë, shumë kohë përpara lindjes së saj.
Kështu ndihet nëna e ardhme në javën e 19-të të shtatzënisë
Pesha e foshnjës tuaj rritet vazhdimisht, bashkë me peshën tuaj. Për momentin, megjithatë, pesha e fëmijës është ende pjesa më e vogël e rritjes. Mitra në rritje, placenta, jastëkët dhjamor dhe lëngu amniotik, tashmë e luajnë rolin vendimtar në shtimin e peshës tuaj.
Ndoshta po pyesni se si mund ta mbani peshën në rritje gjatë muajve para lindjes. Ju nuk keni nevojë të shqetësoheni për këtë. Hormonet e shtatzënisë ndikojnë në nyje në mënyrë të tillë që ato të bëhen më të buta dhe tendinat ose tetivat më fleksibile. Kjo është mënyra se si trupi mund të përballet me peshën në rritje.
Shenjat dhe simptomat e zakonshme
Si në çdo fazë të shtatzënisë, sigurisht që do të ndjeni shenja në javën e 19-të të shtatzënisë që nuk i keni njohur më parë. Këto shenja mund të jenë shumë të ndryshme dhe individuale nga një grua në tjetrën.
Oreks i pandalshëm
Për shkak të ndikimit hormonal në trupin tuaj, ju mund të keni dëshira për ushqim në javën e 19-të të shtatzënisë. Shumë gra gjithashtu e vërejnë këtë gjatë natës. Në këtë mënyrë, organizmi juaj merr lëndë ushqyese që i duhen urgjent në mënyrë që të përballojë drejt rritjen e foshnjës tuaj në bark.
Hani sa të doni, përcillni këtë oreks, por duhet të siguroheni që të hani sasi të vogla dhe kryesisht ushqime të pasura me lëndë ushqyese.
Nevoja e shtuar për të urinuar
Ju ndoshta e keni vërejtur tashmë që duhet të shkoni më shpesh në tualet. Gjithmonë, ndiqni nevojën në atë mënyrë që asnjë patogjen të mos gjejë rrugë në fshikëz dhe ajo duhet të shpëlahet gjithmonë mirë.
Këmbë të rënda, të lënduara dhe këmbë të fryra
Edhe nëse nuk keni ecur në distanca të gjata ose keni qëndruar në këmbë për një kohë të gjatë, këmbët tuaja mund të ndjehen të rënda dhe të shkaktojnë dhimbje të lehtë. Kjo është për shkak të mungesës së qarkullimit të gjakut dhe sistemit limfatik. Për shkak të punës së madhe që duhet të bëjnë zemra dhe enët e gjakut gjatë shtatzënisë, ky kthim i gjakut nuk mund të arrihet në disa situata. Qarkullimi i gjakut funksionon veçanërisht me vështirësi gjatë verës – këmbët e trasha në temperatura të nxehta nuk janë gjë e rrallë.
Pra, vendosni këmbët në pozitë më të lartë se trupi, sa më shpesh të jetë e mundur. Kjo siguron kthimin e gjakut në enët e gjakut dhe lëngu limfatik, kështu këmbët e ënjtura përsëri kthehen në gjendje normale më shpejt. Rekomandohet gjithashtu një masazh për këmbët për ta ndihmuar këtë proces. Kjo e lehtëson dhe ju ndihmon të bini në gjumë. Ju gjithashtu mund të përdorni për këtë vaj masazhi. Larja e këmbëve me ujë të ftohtë, gjithashtu, gjatë verës mund të jetë shumë e dobishme.
Këshillë mamie
“Në mbrëmje, fërkoni këmbët me një krem ftohës ose xhel dhe më pas vendosini më lart se trupin. Gjatë ditës, çorapet apo getat e kompresimit ju ndihmojnë. Ato ju bëjnë mirë dhe kanë kuptim, edhe nëse nuk i keni venat me variçe. Ju mund ta merrni recetën nga gjinekologu juaj”. (Dorothee Kutz, mami)
Metabolizmi ka aktivitet të plotë
Gjatë shtatzënisë, metabolizmi juaj funksionon me shpejtësi të madhe – e njëjta gjë vlen edhe për ekuilibrin e elektroliteve. Ruajtja e ujit në inde, që është shkaktuar nga hormonet, dhe gjithashtu shkëmbimi i lëngut amniotik, kërkojnë shumë nga trupi. Një sasi nga lëngu amniotik përthithet dhe shndërrohen nga foshnja. Produkti përfundimtar kthehet në qarkullimin e gjakut të nënës. Gjaku me përbërësit e lëngut amniotik, pastrohet nga mëlçia e nënës. Në këtë mënyrë, ky shkëmbim i nënshtrohet parimit të rotacionit. Sasia e lëngut amniotik përshtatet me rritjen e fëmijës dhe rritet gjatë shtatzënisë.
Ju mund ta mbështesni nevojën për lëngje dhe punën e organeve tuaja, duke pirë lëngje të mjaftueshme. Uji mineral dhe lëngjet me pak acid ju përkrahin gjithashtu.
Ju mund ta mbështesni nevojën për lëngje dhe punën e organeve tuaja, duke pirë lëngje të mjaftueshme. Uji mineral dhe lëngjet me pak acid ju përkrahin gjithashtu.
Provoni çajin për shtatzëni nga bimët organike. Çaji i përzier nga bimët barishtore, në mënyrë natyrale i mbështesin proceset gjatë shtatzënësisë.
Përmbledhje e këshillave më të mira
Shkarkoni punën e këmbëve tuaja dhe vendosni ato sa më shpesh më lart se trupi.
Pini mjaftueshëm sa të stimuloni metabolizmin tuaj.
Kthejuni masazheve të këmbëve për t’i relaksuar ato.
Përdorni brezin e barkut për të forcuar muskujt.
Pyetjet e mundshme për mjekun ose maminë tuaj
Trajnim për muskujt dhe tendinat
Brezi për bark mund të jetë veçanërisht i dobishëm. Këta breza përbëhen nga elastani dhe përshtaten shumë mirë me barkun tuaj. Brezi e mban mirë barkun dhe mbështet pjesën e shpinës. Pyesni maminë tuaj se cilat ushtrime janë veçanërisht të dobishme dhe efektive në javën e 19-të të shtatzënisë. Vazhdoni të mendoni për ushtrimin e muskujve të fundit të legenit.
Mbështetje për venat
Nëse tashmë vuani nga venat me variçe, nëse keni një predispozitë gjenetike ndaj tyre, ose nëse keni një histori familjare të sëmundjes së zemrës, pyesni mjekun tuaj nëse ka kuptim të mbathni çorape anti trombozë gjatë shtatzënësisë. Këto çorape janë shumë elastike dhe mbështesin kthimin e gjakut. Këto në mënyrë të suksesshme i kundërvihen zhvillimit të venave me variçe. Kur udhëtoni me avion, këto janë të detyrueshme në çdo rast! HIPPKOSOVA
