Gjatësia dhe pesha e foshnjës në javën e 10-të të shtatzënisë
Kikiriku juaj tashmë është i gjatë 2.8 deri 3.1 centimetra deri në javën e 10-të të shtatzënisë. Kjo është afërsisht sa madhësia e një kokrre rrushi. Pesha e vlerësuar është prej 4,5 gram deri në 5,0 gram, foshnja është akoma sa një pendë e lehtë në barkun tuaj
Zhvillimi i foshnjës
Gjatë një ekzaminimi, ultrazëri mund ta dallojë një person të vogël. Imazhi me ultrazë, tregon kokën, e cila në këtë fazë të zhvillimit është veçanërisht e madhe nëse krahasohet me pjesën tjetër të trupit. Në javën e 10-të të shtatzënisë, foshnja vazhdon të ngrejë kokën dhe të shtrihet. Lëviz gjithnjë e më shpesh, por këto lëvizje janë akoma shumë të pakoordinuara.
Në fund të krahëve, ku tashmë kyçi i dorës është formuar, gishtat e vegjël tani po zhvillohen së bashku me gjymtyrët e veta. Lëkura midis gishtërinjve të dorës dhe gishtave të këmbëve zhduken plotësisht deri në fund të kësaj jave të shtatzënisë, ndërsa gishti i madh dhe gishti tregues ndahen. Foshnja së shpejti mund të lëvizë gishtat sepse përpiqet të krijojë një grusht. Kjo është lëvizja e parë me trupin e tij që sugjeron tashmë koordinimin.
Me zhvillimin e gishtërinjve, fillon koha e rëndësishme e foshnjën, fillon përgatitja për jetën jashtë mitrës. Sepse së shpejti refleksi natyror dhe jetësor i thithjes do të krijohet te foshnja. Këtë e ushtron duke e thithur gishtin e vet të madh.
Rrahjet e zemrës së vogël tani janë aq të forta dhe të rënda sa mamia juaj mund t’i dëgjojë ato me doplerin fetal, pajisje e dorës që dëgjon të rrahurat e zemrës. Nëse jeni duke pritur binjakë, mamia do të dëgjojë të rrahurat e dy zemrave.
Foshnja tani nuk është më aq e ndjeshme ndaj keqformimeve apo anomalive të shkaktuara nga ndikimet e jashtme. Deformimet dhe keqformimet më të zakonshme ndodhin para javës së 10-të të shtatzënisë. Kështu, rreziku nga aborti spontan tani është gjithashtu më i ulët. Por ky rrezik nuk është ende i përjashtuar plotësisht. Një rregull i përgjithshëm vlen që kur ju të arrini javën e 12-të të shtatzënisë, faza kritike ka mbaruar dhe rreziku nga aborti është më i ulët.
Në javën e 10-të të shtatzënisë, të gjitha organet e brendshme të rëndësishme tani janë të vendosura dhe truri zhvillohet vazhdimisht. Fijet nervore gjithashtu formohen dhe përsosen në mënyrë që truri të marrë diçka për të punuar dhe të marrë stimulime. Dëgjimi është gjithashtu një stimulim i rëndësishëm për foshnjën. Për këtë, struktura e jashtme e veshit, i ashtuquajturi veshi i jashtëm, zhvillohet në javën e 10-të të shtatzënisë. Kjo strukturë, guaska e veshit, përbëhet nga indet e kërcit dhe vepron si një hinkë për valët akustike. Prej këtu, formohen tonet e ndryshme dhe i përcillen trurit.
Tanimë, të gjitha organet jetësore janë të formuara – fëmija juaj nuk quhet më embrion, por fetus.
Kështu ndihet nëna e ardhme në javën e 10-të të shtatzënisë
Në javën e 10-të të shtatzënisë, jeni e sigurt që do të jeni më e qetë dhe më e relaksuar, sepse rreziku i abortit zvogëlohet përsëri.
Të përzierat tashmë pothuajse janë zhdukur dhe të gjitha sëmundjet dhe simptomat tjera që janë shenja të shtatzënisë do të zhduken ngadalë – shenja të tilla si tërheqja në bark.
Gradualisht ju jeni duke bërë me të vërtetë mirë dhe gëzimi i shtatzënisë tuaj rritet me kalimin e çdo dite. Ndonjëherë vështirë se mund ta besoni, përsëri bëheni shumë të lumtur. Nxitja për veprim dhe kreativitet rritet, ndërsa së shpejti do të bëni plane dhe do të paramendoni se si ta rregulloni shtëpinë për foshnjën.
Gjatë javëve të ardhshme, trupi juaj do të fillojë të rrumbullakoset gjithnjë e më shumë dhe do të përjetoni shtimin normal të peshës, të lidhur me shtatzëninë. Ushqimi i shëndetshëm dhe i ekuilibruar është veçanërisht i rëndësishëm për zhvillimin e foshnjës tuaj dhe shëndetin tuaj gjatë shtatzënësisë.
Pirja gjatë shtatzënisë
Si një nënë e ardhshme, duhet të jetë e qartë për ju që alkooli është i ndaluar gjatë shtatzënisë. Duhet të jetë e rëndësishme ta dini se edhe një “pikë alkooli” për nder të dikujt, mund ta dëmtojë fëmijën tuaj. Nuk është e vërtetë që pijet me alkool të ulët, të tilla si birra dhe vera, nuk janë aq të dëmshme sa alkoolet e forta.
Foshnja juaj zhvillohet çdo sekondë, minutë dhe orë, pothuajse në mënyrë të qëndrueshme dhe gjatë gjithë kohës nga qelizat e freskëta të sapo zhvilluara. Alkooli vepron si vrasës i qelizave. Organet e të rriturve dhe truri i të cilëve janë zhvilluar plotësisht, kanë kufi më të lartë të tolerancës ndaj helmeve të tilla. Sidoqoftë, foshnja juaj është e pambrojtur ndaj tyre.
Foshnja zhvillohet jashtëzakonisht shpejt në javët e para. Gjatë kësaj periudhe, zhvillohen strukturat e para për të cilat fëmija ka nevojë për mbijetesë jashtë mitrës. Skeleti, muskujt dhe truri, si dhe kompleksi i sistemeve të rëndësishme të organeve që varen nga zhvillimi i patrazuar në mënyrë që të mos ketë deformime apo anomali të foshnjës.
Për këtë arsye, që nga koha kur mësoni se jeni duke pritur një fëmijë, duhet plotësisht të ndaloni të pini alkool. Edhe nëse përgatiteni dhe provoni të keni fëmijë dhe pritet një fekondim plotësisht i suksesshëm, bëjeni pa alkool që në fazën e para konceptimit.
Ka edhe pije të tjera që duhet të shmangen: Për shembull, xhenxhefili nuk është pije ideale gjatë shtatzënësisë për shkak të përmbajtjes së lartë të kininës. Kjo vlen edhe për cola (pije e gazuar), sepse përmban kafeinë dhe acid fosforik, i cili është provuar të jetë në gjendje të shpërbëjë mishin. Përveç kësaj, shumica e pijeve të gazuara si cola përmbajnë shumë sheqer. Këto janë kalori të kota që do të shtyjnë përpara peshën tuaj të pa nevojë.
Për të shmangur alkoolin, tani ka shumë pije në bare dhe restorante që bazohen thjesht në lëngje frutash dhe ujë të gazuar. Pse të mos provoni një pije me xhenxhefil, limon ose balsam limoni, e cila është veçanërisht e mirë për trupin dhe psikikën tuaj.
Nëse i takoni grupit të shumicës së grave që vuajnë gjatë shtatzënisë, ju vuani nga organet e tretjes (dispepsia) dhe urthi, në këtë rast, çaji i koprës mund t’ju ndihmojë.
Këshillë e mamisë
“Sidoqoftë, cola (pije e gazuar) mund të ndihmojë kur keni të përziera ose probleme me qarkullimin e gjakut. Sidoqoftë, atë nuk duhet parë si pije që “shuan etjen” ose si pjesë të pijeve ditore”. (Dorothee Kutz, mami)
Përmbledhje e këshillave më të mira
Shikoni në dollapin tuaj për të parë nëse mund të gjeni akoma rroba të gjëra dhe të rehatshme.
Filloni të bëni kërkimin e jashtëzakonshëm për emrin e fëmijës tuaj.
Nëse nuk jeni e martuar me partnerin tuaj, duhet të merrni në konsideratë që autoritetet ta njohin atësinë tuaj, pasi kjo do t’i ofrojë siguri fëmijës tuaj.
Filloni tani të bëni masazh dhe fërkoni me krem barkun tuaj, kofshët dhe vithet, sepse këto pjesë janë më të prekura nga rritja.
Pyetjet e mundshme për mjekun ose maminë tuaj
Nëse para shtatzënisë Tuaj keni vuajtur nga lëkura e ndjeshme ose e thatë, kjo tani mund të bëhet edhe më keq. Po ashtu, i ashtuquajtura dobësim i indit lidhës po bëhet gjithnjë e më i theksuar sepse tani është veçanërisht i dukshëm. Ka në dispozicion produkte të ndryshme për përkujdesje efektive të lëkurë. Ndër to e veçojmë HiPP Mamasanft Body-Butter që siguron lagështinë dhe ruan elasticitetin e lëkurës.
Megjithatë, nëse keni shqetësime për lëkurën tuaj, mund të pyesni maminë ose mjekun tuaj si të vazhdoni me përkujdesje. /HIPP KOSOVO
