Një demo e rrallë e regjistruar nga Ed Sheeran kur ishte vetëm 13 vjeç është nxjerrë në ankand në Britaninë e Madhe.
Albumi quhet “Spinning Man” dhe ka gjithsej vetëm 20 kopje, 19 prej të cilave Sheeran ja ka dhuruar miqve dhe familjarëve. Shitësja, që dëshiron të mbetet anonime, e bleu demon nga nëna e këngëtarit në qytetin e tyre në Framlingham, Suffolk, në 2005. Ajo tha se i kishte blerë regjistrimet pasi dëshironte të mbështeste muzikantët vendas.
Demo shitet bashkë me një kopje të“The Orange Room” të vitit 2005, CD-ja e dytë të Sheeran, dhe së bashku mund të kapin vlerën e 20,000 paundëve.
Drejtuesi i Ankandit, Paul Fair Weather tha ajo që bie në sy është “përkushtimi” i prindërve të Sheeran.
“Prindërit e Edit luajtën një rol të madh në karrierën e tij dhe është mbresëlënëse të shohësh përkushtimin e tyre në shitjen e kopjeve individuale të CD-së së djali tadoleshent.”
Në fillim të këtij muaji, një ankand i relike vetë Ed Sheeran mblodhi më shumë se 400,000 £, dhe paratë shkuan për të mbështetur fëmijët dhe të rinjtë me aftësi të kufizuara.Më shumë se 220 artikuj u shitën si pjesë e Ed Sheeran: Made in Suffolk Legacy Ankand.
Ed Sheeran është një ndër artistët më të suksesshëm që shet miliona kopje të albumeve të tij në të gjithë botën dhe kjo sigurisht e ka bërë edhe një ndër personazhet me të pasur të industrisë së muzikës.Tani fansi më me fat i tij do të mund të ketë vetëm për vete albumin e parë të këngëtarit.
