Ish-zëvendësministri i Arsimit, Xhavit Rexhaj ka thënë se Kosova është vendi i parafundit në rajon sa i përket pagave të mësimdhënësve.
Sipas tij, vetëm Shqipëria qëndron më keq se sa Kosova.
“Vetëm Shqipëria është më dobët se ne. Të gjitha vendet tjera të rajonit janë për 30 ose 40% më mirë se mësimdhënësit tonë. Tash nëse shikohet gjendja materiale ne nuk jemi aq më të varfër se vendet e tjera që të kemi pagat më të ulëta për mësimdhënësit edhe mendoj që Qeveria duhet ta merr seriozisht çështjen e pagave të mësimdhënësve me rastin e caktimit të koeficienteve”, është shprehur Rexhaj, për FrontOnline.
Sipas tij, kjo rritje është e pamjaftueshme.
“Kjo rritje është shumë pak sepse pagat e mësimdhënësve krahasuar me atë ngritjen kur është bërë në kohën e qeverisë së PDK-së tashmë pagat nuk janë as në 40 apo 50% të vlerës që kanë pas atëherë dhe arsimtarët tash janë në gjendje më të rënduar ekonomike, 40 euro nuk mjafton”, ka thënë ai.
