Ish-këshilltari i Nagavcit, Valdrin Dervishaj, ka ngritur dyshime serioze për korrupsionin në Ministrinë e Arsimit, duke përmendur disa raste të mundshme keqpërdorimesh gjatë periudhës së udhëheqjes së ministrisë nga Nagavci.
Dervishaj ka publikuar një postim në Facebook, ku përmend disa dyshime për korrupsion dhe keqpërdorime në proceset e ministrisë, duke i drejtuar këto shqetësime ministrit të ri, Hajrullah Çeku.
Deri në publikimin e shkrimit, nuk ka një reagim nga Ministria e Arsimit dhe as ish-ministrja Arbërie Nagavci.
Postimi i plotë i Valdrin Dervishaj në Facebook:
Mirëmengjes Ministër Hajrulla Çeku
Sot, kur shkoni në zyrë do te pret një sekretare në aktakuzë për korrupsion 4 milion euro. Ky është një nga shumë raste në proces.
Pastaj të pret prokurim me aktakuzë për korrupsion.
Të pret udheheqës i finanvave me aktakuzë për korrupsion
Të pret ekzekutim me aktakuzë.
Pra, veç në recepcion s’ka aktakuzë, literalisht.
I dashtun ministër, duke të njohur për guxim dhe parime, e kam një lutje për ty. Nise punën mbarë.
Mbarësi s’ka me njerëz me aktakuzë për korrupsion që ia kanë transferu biznesit 400,000€ në llogari për qef dhe kanë ble shportë rreth 200€ (lexo shportë, jo kontejner).
Tash 13 sugjerime nga përvoja e hidhur aty:
Zgjidh një sekretar/e me integritet;
Urgjent ligji për tekste, ky proces duhet të shtetëzohet;
Një audit rrenjësor prej rregullores së brendshme deri te ndërtimi i çerdheve. Ka shumë dyshime për keqpërdorim në këtë proces;
Vazhdim i procesit për licencim/testim për mësimdhënës pa vonesë;
Zbatim strikt i formulës së financimit për Universitetet publike dhe stute të reja sipas modelit të UP-së brenda 6 muajsh;
Dixhitalizim masiv i proceseve me AShI;
Rishikim i kurrikulës paraprirë me një hulumtim ndërkombëtar;
Vazhdim i mbështetjes për mesim dual (20-30% të buxhetit shtetëror, zgjedhja e drejtorit të autoriteti kombetar i kualifikimeve;
Hiqe maturën dhe testin e arritshmërisë. Dy procese të kota me kosto të lartë;
Masivisht kthim i truritë në UP, një skemë e propozuar nga KM;
Formo një ekip të jashtëm (mundësisht ndërkombëtar të udhëhequr nga një ekspert i kalibrit të Visarit) për të rishiku të gjitha investimet kapitale;
Një sistem nacional i centralizuar për LMS dhe SMP që përfshinë nga çerdhja në universitet;
Për me i bë të gjitha këto, të duhet një ekip i shkelqyer. Prandaj, fillo nga e para.
Këto do të nxjerrin një nga ministrat më të suksesshëm. A e dini pse? Sepse këto asnjë nga ministrat nuk pati guxim ta bëjë.
