Ish-drejtoresha e Arsimit në Prishtinë, Besianë Musmurati, ka takuar dy nxënës të shkëlqyer, Erën e Lorisin që tashmë studiojnë në SHBA, shkruan AlbanianEducation.net.
Postimi i Musmuratit:
Një akullore me Erën e Lorisin që i kam shumë për zemër ❤️
Për herë të parë i kam taku gjatë punës në Drejtorinë e Arsimit. Qysh atëherë kanë qenë nxënës të dalluar në shkollat e tyne. Era nga Gjimnazi Xhevdet Doda shkoi në Princeton SHBA, ku po studion inxhinieri kompjuterike, e Lorisi nga shkolla Faik Konica po shkon në UWC Mostar për programin prestigjioz International Baccalaureate.
Përderisa kemi t’rinj të tillë, nuk kam dyshim që është ma e lehtë me ia dalë. Por është përgjegjësi shoqërore e çdo qeverie të bëjë më të mirën me çliru potencialin e jashtëzakonshëm që e kemi. E në këtë drejtim, as për afërti nuk po bëjmë aq sa duhet që shembulli i Erës e Lorisit mos me qenë veç sukses i izoluar individual, por normë e përgjithshme.
