Shembullin e drejtoreshës së arsimit në Gjakovë, Eranda Baçi, për shpalljen e drejtorit më të mirë të muajit, po e ndjek eddhe Drejtoria e Arsmit në Prishtinë, që udhëhiqet nga Besianë Musmurati, shkruan AlbanianEducation.net.
Kjo e fundit ka njoftuar se drejtori i ri i SHFMU “Pavarësia” në Prishtinë, Isak Bregaj është shpallur drejtori i muajit.
Kujtojmë se Bregaj për disa vite ka qenë drejtor i shkollës “Dardania” në Prishtinë.
Njoftimi i saj:
Nga sot po e fillojmë përzgjedhjen e DREJTORIT TË MUAJIT që ka performancën më të mirë 🤩
Ka kohë që kemi fillu procesin e rekrutimit të drejtorëve të shkollave dhe çerdheve të Prishtinës. Tash ka ardhë koha me tregu punën dhe performancën e mirë të atyre që e meritojnë.
Po e filloj këtë seri me drejtorin e ri të SHFMU “Pavarësia” Prishtinë në Prishtinë, Isak Bregaj. E përzgjodha pikërisht Isakun për me fillu këtë seri sepse me shumë vullnet e ka marrë përsipër udhëheqjen e shkollës më të ngarkuar në Prishtinë.
E dorën në zemër, për kaq pak kohë ka arritë që me sukses me i përfundu disa projekte shumë me rëndësi për shkollën. Për një muaj kohë, Isaku ka filluar krijimin e arkivës, renovimin e tualeteve, strukturimin e orareve dhe materialeve pedagogjike, bashkëpunimin me prindër, rritjen e mirëmbajtjes së shkollës dhe rritjen e diciplinës në punë.
Nuk është çudi me shku në shkollë në orën 20:00 në mbrëmje e me gjetë drejtorin duke mjeshtru diçka me komunitetin e prindërve ose me punëtorët teknik. Por edhe është i pari të nesërmen për të pritë nxënësit në një shkollë të pastër e me shumë rregull.
Të lumtë për punën e mirë Isak! Do të përkrahim në çdo iniciativë tënden dhe të stafit që rritë performancën e shkollës. Kemi shumë sfida që na presin përpara, por me shumë punë do t’i zgjidhim së bashku me nxënës, prindër e stafin arsimor.
