Që nga viti 2017 drejton shkollën fillore “Naim Frashëri” në fshatin Vlashnjë të Prizrenit, me 353 nxënës e 27 mësimdhënës. Thotë se është sfitë të qenit udhëheqëse e një shkolle, por mundohet që mësimdhënia dhe mësimnxënia të jetë më atraktive dhe t’i përshtatemi kohës.
Është kjo drejtoresha Lulejta Gavazaj, e cila në një intervistë për Albanian Education.net flet për shkollën që drejton, sukseset e saj dhe tema të tjera që lidhen me arsimin.
E pyetur për një temë që ngjall çdo here debat sidomos tek mësimdhënësit, nëse duhet të testohen dhe vlerësohen apo jo, drejtoresha Gavazaj thotë se ‘’PO’, pasi sipas saj do të sjell rezulatete në mësimdhënie dhe mësimnxënie.
Lexoni të plotë intervistën me drejtoreshën Luljeta Gavazaj:
Një CV e shkurtër e juaja, në cilën shkollë jeni drejtoreshë, qe sa vite…?
Luljeta Gavazaj, drejtoreshë në Shfmu “ Naim Frashëri” në Vlashnjë, Prizren që nga viti 2017. Shkolla ka gjithsej 353 nxënës, 27 mësimdhënës nga klasa 0-9.
Sa është e vështirë sot të jesh udhëheqëse e një shkolle, me ç’sfida ballafaqoheni?
Me qenë udhëheqëse e një shkolle është sfidë, nuk përballesh vetëm me një sfidë po me sfida të shumta, dhe ato të ndjekin vazhdimisht nëse dëshiron rezultate dhe ndryshime. Ne jetojmë në një botë që po ndryshon në vazhdimësi me zhvillimin e teknologjisë dhe këto ndryshime janë një sfidë që unë si drejtoreshë po mundohem ti tejkaloj. Po mundohem që shkolla të paiset me mjete teknologjike : Kompjuter , projektor, tabela të mençura, kabinetin e shkencave të natyrës dhe kabinetin shkencave shoqërore me mjete konkretizuese etj, që mësimdhënia dhe mësimnxënia të jetë më atraktive dhe t’i përshtatemi kohës.
Kjo nuk është e vetmja sfidë dhe sfida ka edhe në rregullimin e infrastrukturës së shkollës. Gjatë vitit 2021 është ndërtuar një aneksi i ri në shkollë amë. Punimet nuk janë kryer me kohë dhe kjo na ka shkaktuar shumë probleme. Këtë vit gjatë muajve të pushimeve verore kemi renovimin total të shkollë (objektit të vjetër), ku nëse punimet kryhen sipas afatit në shtator do të kemi kushte shumë më të mira për zhvillimin e mësimit.
Cilat janë sukseset e shkollës tuaj, po problemet që keni?
Mund të them që nga momenti që e kam marrë detyrën kemi ndyshime në kuadrin e shkollës ku mësimdhenesit nga 1-5 gati të gjithë kanë dalë në pension dhe mësimdhënset e reja i shoh si një sukses, pasi është një energji e re në shkollë dhe janë shumë të angazhuara dhe në procesin e mësimdhënies dhe aktivitetet jashtë kurrikulare.
Probleme janë se nuk kemi kabinet të TIK-ut, sallë të edukatës fizike, mungojnë rrethoja në dy godinat shkollore, në shkollën amë në Vlashnjë, dhe paralelen e ndarë në Kobajë etj.
A mund të na tregoni një apo dy raste të veçanta që nuk do t’i harroni asnjëherë gjatë pozitës tuaj si e para e shkollës, qoftë me nxënësit apo kolegët mësimdhënës?
Raste të veçanta që mund t’i përmend janë; kur nxënset e shkollës sonë kanë dalë të parat në garat regjionale dhe të dytat në garat republikane në futboll. Rezultatet e shkollës dhe ndryshimet në të mirë të nxënësve janë arsyet që vazhdojë të punojë me përkushtim e sidomos suksesi i nxënësve me nevoja të veçanta .
A duhet të ndodhë testimi i mësimdhënësve apo jo? Nëse po pse, dhe nëse jo, pse?
Duhet të bëhet testimi dhe vlerësimi i mesimdhënësve. Në bazë të punës dhe angazhimit duhet edhe të paguhen mësimdhënsit. Mendoj se vlerësimi i mësimdhënsve do të sjell edhe rezultate edhe në mësimdhënie dhe mësimnxënie dhe do të zgjidhte shumë probleme me të cilat ballafaqohet arsimi në shtetin tonë.
Sa duhet të ketë pagën një mësimdhënës në Kosovë që të ketë një jetë të dinjitetshme?
Paga e një mesimdhënsi duhet të jetë mbi mesataren e pagës në Kosovë nëse dëshirojmë të zhvillojmë arsimin dhe kjo të jetë në bazë të performacë së mësimdhësve.
Për fund, mesazhi juaj për ministres e Arsimit, Arbërie Nagavci?
Objektivat qe ka MASHT për zhvillimit e arsimit e një ndër to është edhe dixhitalizimi i shkollave të kryhet sa më shpejt. Te tekstet mësimore që MASHT po i jep falas mendoj që është gabim pasi këtu mund të kursehet buxheti, e më këto para të bëhet dixhitalizimi i shkollave dhe tek ndyshimi që është bërë këtë viti ku vlerësimi i nxënësve të bëhet me dy gjysmëvjetore dhe jo me tri periudha. /AlbanianEducation.net/.
.
