Muaji Tetor në të gjithë botën është muaji i ndërgjegjësimit për kancerin e gjirit, për të rritur vëmendjen dhe mbështetjen për sensibilizimin, zbulimin e hershëm, trajtimin, si dhe kujdesin për këtë sëmundje.
Aktualisht nuk ka njohuri të mjaftueshme për shkaqet e kancerit të gjirit, por dihet se, zbulimi i hershëm i sëmundjes mbetet guri i themelit të kontrollit të kancerit të gjirit.
Media “Kids of Kosova” (www.kidsofkosova.net) ka realizuar një intervistë me Ilir Kuritshin, drejtor i Klinikës së Onkologjisë i cili ka treguar se cilat janë simptomat e kancerit të gjirit, sa gra janë të prekura me këtë sëmundje, sa gra marrin mjekim në Klinikën e Onkoligjisë, si dhe ka një mesazh për gratë.
Lexoni intervistën e plotë me Ilir Kuritshin, drejtor i Klinikës së Onkologjisë:
Jemi në muajin e ndërgjegjëimit për kancerin e gjirit. Dok. a mund të ta flisni pak se si fillon kjo sëmundje dhe si të vërehet – cilat janë simptomat e para?
Sëmundja e kancerit fillon nga një qelizë e cila pëson mutacion të cilin sistemi jonë imun nuk e vëren dhe me kohë kjo qelizë e mutuar nuk vdes dhe kështu vazhdimisht shumëzohet.
Simptomat e para të sëmundjes zakonisht lajmërohen kur ajo avanson dhe bëhet e dukshme, zakonisht lajmërohet një gung në gji ose një tërheqje e majës së gjirit, ndryshim i ngjyrës së gjirit, sekrecion jo i zakonshëm në gji, ndryshim i madhësisë së gjirit, dhembje krahu.
Cilat mosha i prek më shumë dhe a shfaqet vetëm tek gratë apo ka raste kur prek edhe burrat?
Sëmundja më shumë i prek femrat e moshës ndërmjet 50-60 vjeçare, dhe në Kosovë zakonisht lajmërohet në forma të avancuara, ndërsa është shumë e rallë të meshkujt, në përgjithësi 5-6 meshkuj diagnostikohen në Kosovë çdo vi me kancer të gjirit.
A ka të dhëna se sa gra janë prekur deri tani këtë vit dhe në përgjithësi sa gra janë të prekura me kancern e gjirit në Kosovë?
Ndërsa sa i përket femrave, çdo vit në Kosovë lajmërohen 350-400 femra me kancer të gjirit. Këtë vit për 9 muaj janë prekur 300 gra me kancer të gjirit.
Sa ka kushte në Klinikën e Onkologjisë të trajtohen rastet e tilla?
Brenda një viti me rastet nga vitet paraprake, Klinikën e Onkologjisë e vizitojnë 2500 deri 3000 femra me kancer të gjirit.
Klinika e Onkologjisë i trajton të gjitha rastet me kancer të gjirit si në aspektin medikamentoz ashtu edhe aparaturë moderne të rrezatimit.
Në Klinikë ka barna shumë specifike dhe shumë të shtrejtë për trajtimin e kësaj sëmundje, e që pacientët i marrin vazhdimisht gjatë mjekimit të tyre.
Cili është mesazhi juaj për gratë?
Kanceri i gjirit është sëmundje e shërueshme nëse diagnostikohet herët, andaj mos hezitoni të bëni kontrolla të shpeshta të mjeku në mënyrë që sëmundjen ta zbulojmë herët. Bashkë ja dalim. / Kids of Kosova/.
