Ikra Elshani është nxënëse e shkëlqyeshme e klasës së nëntë në shkollën “Mustafa Bakiu” në Prizren, shkruan AlbanianEducation.net.
Njoftimi i shkollës:
IKRA – NXËNËSE SHEMBULLORE DHE SHKRIMTARE E TALENTUAR
Ikra Elshani është nxënëse e shkëlqyeshme e klasës së nëntë në shkollën tonë. Ajo ndjek mësimin në paralelen turke. Si nxënëse u dalluar në mësime dhe në të gjitha aktivitetet jashtëmësimore. Krahas kësaj, Ikra ka edhe një pasion tjetër – atë të shkrimtares. Shumë herë poezitë e saj janë lexuar në manifestimet e organizuara për nder të datave të rëndësishme të Kosovës dhe të komunitetit turk.
Së fundmi kjo nxënëse shembullore ka promovuar botimin e librave të saj, të cilat janë mirëpritur nga lexuesit, ndërkohë kompletin e botimeve ia dhuroi drejtoreshës së shkollës sonë, znj. Behare Kryeziu.
“Është nder dhe kënaqësi të kemi nxënës siç ishte Ikra – një nxënëse e gjithanshme. Prandaj, e përgëzoj Ikrën për botimin e këtij seti të librave dhe i dëshiroj suksese edhe më shumë në mësime të mëtejme, por edhe në botimin e librave të tjerë. Ndërkohë, e falënderoj për librat e dhuruar, që do të jenë pasuri e bibliotekës sonë”, ka thënë drejtoresha, znj. Behare Kryeziu.
