Në Institucionin e Arsimit dhe Aftësimit Profesional “Abdyl Ramaj” në Shirokë të Suharekës është organizuar kuizi i diturisë në fushën e lëndës së ekonomisë “Suhareka 2023” me pjesëmarrjën e 9 shkollave profesionale nga i gjithë vendi.
Me këtë rast, nxënësit e Institucionin e Arsimit dhe Aftësimit Profesional (IAAP) nga Shtimja kanë zënë vendin e parë duke u shpërblyer me mirënjohje për vendin e parë në nivel republikan dhe 300 euro ne vlerë monetare për nxënësit pjesëmarrës: Leonora Nuredini, Safedin Tahiri dhe Dafina Boka.
Drejtoresha e Arsimit, Yllka Fejzullahu përgëzon nxënësit fitues të kësaj gare dhe mësimdhënësit për punën dhe angazhimin e tyre në Kuizin e Diturisë “Suhareka 2023” si dhe ju uron suksese të mëtutjeshme.
Vendi i dytë i takoi IAAP “Hasan Prishtina” nga Mitrovica.
Shkolla IAAP “Abdyl Ramaj” nga Suhareka, u radhit e treta.
Duke pas parasysh se kjo garë është tradicionale, për vitin e ardhshëm nikoqire për organizimin e kuizit të diturisë në nivel republikan do të jetë IAAP në Shtime. /Albanian Education
