Besimtarët katolik në Kosovë po festojnë sot Krishtlindjet, datën më të rëndësishme të kalendarit të tyre fetar.
Shumë politikanë kosovarë si mbrëmë ashtu edhe sot po ju urojnë Krishtlindjet besimtarëve katolik duke ju uruar dashuri, paqe e mirësi.
Por jo të gjithë janë treguar të saktë me urimin që kanë bërë përmes rrjeteve sociale.
Një prej tyre që ja ka huqur me urimin është ministrja e Arsimit, Arbërie Nagavci, e cila në vend që të uronte besimtarët katolik për Krishtlindjet, ka uruar ata ortodoks, por që këta të fundit Krishtlindjet i festojnë më vonë, saktësisht më 7 janar, shkruan Reporteri.net.
“Gëzuar Krishtlindjen të gjithë besimtarëve shqiptarë orthodoksë”, ka shkruar ndër të tjera ajo, në urimin e parë.
Nagavci e urimin që e shikoni më lartë e ka shlyer më pas dhe ka bërë urimin tjetër kur uron besimtarët e katolikë për Krishtlindje.
/ REPORTERI.NET /
