“Djaloshi në tendë”, 12-vjeçari që e quan kështu veten, i ka kaluar 600 ditë duke fjetur jashtë shtëpisë për të mbledhur para për institucion e kujdesit paliativ në të cilin jetonte një person shumë i dashur për të.
Kur një afërm i tij 74-vjeç ndërroi jetë nga kanceri, Max Woosey vendosi të mbajë premtimin që i kishte dhënë – që në tendën që ia kishte dhuruar – do të përjetojë aventurën e vërtetë, transmeton Telegrafi.
Ishte marsi i vitit të kaluar, koha kur në Angli mbizotëronte pandemia e coronavirusit, e në qendrën e kujdesit paliativ North Devon, për shkak të izolimit ishin ballafaquar me humbje milionëshe (1.2 funte).
View this post on Instagram
Aty mendoi se është personi i duhur që duhet t’i ndihmojë, Max madje i tha “lamtumirë” dhomës së tij dhe shtratit të nxehtë. U zhvendos në tendën që e vendosi në oborrin e shtëpisë dhe filloi aksionin për mbledhjen e parave.
Falë këmbëngulësisë së tij, atë nuk e pengoi stuhia, të ftohtit e as të nxehtit e insektet. Për më pak se dy vite arriti të mbledh 680 mijë funte, përkatësisht mbi 800 mijë euro, që ishin mjaftueshëm që të paguhen për një vit 20 infermieret e qendrës së kujdesit paliativ.
Por mundi i tij u shpërblye në natën e ndarjes së çmimeve “Pride of Britain”, e javën e kaluar Max shënoi natën e 600-të që e kaloi duke fjetur në tendë.
