E enjte, 22 Shkurt, 2024

Historia e 9-vjeçares e cila u shit tek një 55 vjeçar për dy mijë dollarë: Doja të bëhesha mësuese

- Advertisement1-

Afganistani po vuan nga një krizë urie pas marrjes së pushtetit nga talebanët. Të detyruar nga varfëria një baba ka shitur vajzën e tij të mitur tek një 55 vjeçar për dy mijë dollarë.


Parvana Malik, një vajzë 9-vjeçare me sy të errët dhe faqe rozë, qesh me miqtë e saj ndërsa ata luajnë me litar.

- Advertisement -

Por e qeshura e Parvanës zhduket ndërsa ajo kthehet në shtëpi, një kasolle e vogël me mure dheu, dhe i kujtohet fati i saj: ajo po i shitet një të huaji si nuse fëmijë.

Burri që dëshiron të blejë Parvanën thotë se është 55 vjeç, por për të, ai është “një plak” me vetulla të bardha dhe mjekër të bardhë të trashë, tha ajo për CNN.

Ajo shqetësohet se ai do ta rrahë dhe do ta detyrojë të punojë në shtëpinë e tij.

- Advertisement -

Por prindërit e saj thonë se nuk kanë zgjidhje tjetër.

Për katër vjet, familja e saj ka jetuar në një kamp, duke mbijetuar nga ndihmat humanitare dhe puna e varfër duke fituar disa dollarë në ditë. Por jeta është bërë më e vështirë që kur talebanët morën pushtetin në Afganistan më 15 gusht.

- Advertisement -

Ndërsa ndihma ndërkombëtare thahet dhe ekonomia e vendit shembet, ata nuk janë në gjendje të përballojnë nevojat bazë si ushqimi. Babai i saj kishte shitur motrën e saj 12-vjeçare disa muaj më parë.

Parvana është një nga shumë vajzat e reja afgane të shitura për martesë ndërsa kriza humanitare në vend thellohet. Uria ka shtyrë disa familje të marrin vendime zemërthyese, veçanërisht kur afrohet dimri brutal.

Abdul Malik, babai i Parvanës, nuk mund të flejë natën. Përpara shitjes, ai i tha CNN se është “thyer” nga faji, turpi dhe shqetësimi.

Ai ishte përpjekur të shmangte shitjen e saj, udhëtoi për në kryeqytetin provincial Qala-e-Naw për të kërkuar punë, por pa sukses, madje ka marrë hua “shumë para” nga të afërmit dhe gruaja e tij iu lut banorëve të tjerë të kampit për ushqim.

Por ai ndjeu se nuk kishte zgjidhje nëse dëshiron të ushqejë familjen e tij.

“Ne jemi tetë anëtarë të familjes”, tha ai për CNN. “Duhet të shes për të mbajtur gjallë anëtarët e tjerë të familjes”.

Paratë nga shitja e Parvana do ta mbajnë familjen vetëm për disa muaj, përpara se Malik të gjejë një zgjidhje tjetër, tha ai.

Parëana tha se shpresonte të ndryshonte mendjen e prindërve të saj, pasi ajo kishte ëndrra të bëhej mësuese dhe nuk donte të hiqte dorë nga arsimimi i saj. Por lutjet e saj ishin të kota.

Share

Të fundit

Të tjera nga kategoria

Alp Morina (1-vjet e gjysmë), nga Lumishta e Malishevës ka nevojë për ndihmë

Apel për ndihmë! Alp (Liridon) Morina, nga fshati Lumishtë komuna Malishevë, mosha 1vit e gjashtë...

Vipa çips: Sigurinë e kemi gjithmonë në nivel, po eksportojmë në Itali pa asnjë pengesë

Kompania ‘Pestova’ ka reaguar lidhur me lajmin që u publikua në media lidhur me...

Blerond Maraj nga Peja ka nevojë për ndihmën tuaj

Blerond Maraj nga Peja ka nevojë për ndihmën e të gjithëve për trajtim jashtë...

A po i demotivojme fëmijët nga veshjet që i blejmë? Nga Marsida Simo (Sociologe)

  Bota e konsumit ka vite që është brendësuar në jetën tonë, duke filluar edhe...