Sot në Antwerpen të Belgjikës është promovuar Shoqata Shqiptare ILIRIADA si dhe hapja e shkollës së gjuhës shqipe ku do të mësojnë gjuhën amtare fëmijët e diasporës, shkruan AlbanianEducation.net.
Njoftimi i plotë:
Të nderuar bashkëkombas sot patëm evenimentin e promovimit të Shoqatës Shqiptare ILIRIADA në Antwerpen të Belgjikës.
Në këtë rast festuam edhe 28 Nëntorin, Ditën e Flamurit të Shqipërisë, si dhe promovuam
edhe hapjen e shkollës së gjuhës shqipe, ku do të mësojnë gjuhën amtare fëmijët e diasporës.
I falënderoj konsullin e Shqipërisë znj.Viola Kaloshi dhe konsullin e Kosovës, Zotri Miftar Kryeziu, të cilat na nderuan me pjesëmarrjen e tyre.
Gjithashtu falënderoj edhe të gjithë pjesëmarrësit tjerë të komunitetit shqiptar që ishin sot me ne.
Jeni të mrekullueshëm!
Mirënjohës ndaj të gjithëve!
Me respekt
Ismet Ademi- kryetar i Shoqatës ILIRIADA 🇦🇱
