Nga dje në Otto Hahn Schule në qytetin Hanau të Gjermanisë do të ofrohet mësim plotësues në gjuhën shqipe.
Në ceremoninë e hapjes, të organizuar nga Këshilli inicues i shkollës shqipe në kuadër të këtij qyteti, të kryesuar nga Kenada Avdiji, ishin të pranishëm përfaqësues institucionesh, prindër të nxënësve, veprimtarë dhe intelektualë nga diaspora shqiptare si dhe një numër i madh i bashkatdhetarëve.
Përkrahja e lartë për hapjen e kësaj shkolle nga ana e institucioneve vendore u dëshmua me prezencën e Kryetarit të Qytetit Hanau, Dr. Maximilian Bieri, drejtoreshës së shkollës, Susan Stein dhe kryetarit të Këshillit për Komunitete, Ajdin Talic.
Në këtë ngjarje mori pjesë Konsulli i Përgjithshëm, Gëzim Gashi, i cili dhuroi librat si dhe i ofroi mbështetje në drejtim të sensibilizimit të prindërve për regjistrim të femijëve të tyre në shkolla.
Mësimi do të zhvillohet në dy klasë, ndërsa në ambientet e kësaj shkolle mbretëron një atmosferë miqësore.
📢Ftohen prindërit shqiptarë që jetojnë në këtë pjesë t’i regjistrojnë fëmijët e tyre në këtë shkollë.
Adresa e shkollës:
Kastanienallee 69
63454 Hanau
/albinfo.ch.
