Është hapur shkolla e parë shqipe në qytetin Sandnes të Norvegjisë.
Kështu ka bërë të ditur Ambasada e Kosovës në Norvegji përmes një njoftimi zyrtar.
Ambasada përmes njoftimit ka apeluar tek prindërit që t’i përgjigjen masovikisht kësaj inciative në mënyrë që të kontriojnë në ruajtjen dhe kultivimin e gjuhsë shqipe.
Njoftimi i plotë:
Ditë e veçantë për bashkatdhetarët në Norvegji dhe popullin shqiptar në përgjithësi.
Si rezultat i përpjekjeve të përbashkëta dhe punës së palodhur të shoqatës “Albnor Rogaland”, në qytetin Sandnes të rajonit të Rogaland, për herë të parë u hap shkolla shqipe.
Ambasadori Emra, i cili së bashku me kryetarin e shoqatës “Albnor” z. Fehmi Bekteshi e bëri hapjen zyrtare të shkollës, ishte i nderuar dhe privilegjuar me pjesëmarjen në këtë ngjarje historike duke uruar të pranishmit, veçanërisht organizatorët, nxënësit, mësuesit dhe prindërit për këtë arritje të madhe.
Apelojmë tek prindërit që ti përgjigjen masovikisht kësaj iniciative, sepse në këtë mënyrë do të kontribojmë në ruajtjen dhe kultivimin e gjuhës së shenjtë shqipe.
Ju falenderojmë për pritjen dhe respektin.
