Intervistoi: Donat Maloku
Është vetëm 7-vjeçare, por sigurt po shkon drejt hapave për t’u bërë një balerinë e njohur. Pandemia ja ka ndërprerë për momentin edhe provat që rregullisht bënte, por do t’i rifilloj ato pasi të normalizohet situata.
Fjala është për Hana Hajdin nga Prishtina, e cila në një intervistë për Kids of Kosova (www.kidsofkosova.net) flet për ëndrrën e saj që të bëhet një balerinë e njohur, por jo vetëm.
Kids of Kosova: A mund të bëni një prezantim tuajin së pari?
Hana Hajdini: Unë jam Hana Hajdini nga Prishtina. Jam nxënëse e klasës së dytë.
Kids of Kosova: Ju keni talent për vallëzim. Kur keni vërejtur talentin tuaj?
Hana Hajdini: Unë në moshën 3 vjeçare isha modele në agjensionin “KidsModel of Kosova”. Kam sfiluar 1 vit ku jam pajisur me çertifikat. Kam bërë marketing për “Risikids” dhe “A&M kids”. Në moshën 4 vjeçare kam filluar me balet në grupin “Mjellmat” me mësuesen Sabrije. Aty kam vijuar baletin 1 vit pastaj e kam ndërprerë për shkak të regjistrimit në shkollë.
Kids of Kosova: A shkoni në ndonjë shkollë vallëzimi?
Hana Hajdini: Momentalisht nuk shkoj në shkollë vallëzmi, por vitin e ardhshëm me shumë gjasa do të filloj.
Kids of Kosova: A keni marrë pjesë në ndonjë garë vallëzimi? Nëse po, a keni fituar ndonjë çmim?
Hana Hajdini: Nuk kam marrë pjesë në gara, vetëm për festa kemi pas xhirime.
Kids of Kosova: Cilat janë planet tuaja?
Hana Hajdini: Kam shumë plane, por për shkak të pandemisë i kam ndërprerë provat për vallëzim, balerinë, por që në të ardhmen synoj të jem një balerinë.
Më poshtë gjeni një video nga provat e Hanës duke ushtruar balet:
(KidsofKosova.net)
