Ajo është padyshim një nga bebet më të dashura në mediat sociale. Hana e Mozzik dhe Loredanës është rritur në sytë e shqiptarëve, pasi reperët ndryshe nga shumë figura të tjera e kanë prezantuar me botën që kur ishte e sapolindur.
Ata i kanë krijuar edhe një llogari në Instagram prej ditës së lindjes dhe aktualisht Hana ka 340 mijë ndjekës. Si Mozzik, ashtu edhe Loredana postojnë shpesh foto e video me të bijën e cila ka vjedhur zemrat e të gjithëve me ëmbëlsinë e saj.
Vitet kalojnë shpejt dhe Hana mbush 5 vjeç këtë vit. Sakaq, sot ajo ka nisur shkollën. Këtë e ka zbuluar Mozzik përmes disa postimesh shumë të ndjeshme në Instagram. Fillimisht ai ka ndarë një foto të sajën duke shkruar: “Hana po fillon shkollën sot.
Më pas ai ka treguar se e ka shoqëruar në shkollë. Teksa ka shprehur edhe emocionet e tij në këtë ditë domethënëse.
“Hana filloi sot rrugëtimin e saj të parë në shkollë. E normal që qënka ndjenjë shumë e bukur të shohësh fëmijën tënd që e merr me dashuri dhe vullnet fillimin e shkollës. Zoti të dhëntë shëndet e dije, vajza ime Hana. Të do babi yt shumë”- shkruan ai.
