Vitet e fundit, festa e Halloween-it po festohet gjithnjë e më shumë, edhe nga shqiptarët. Për të bëhen organizime të vogla në kopshte, shkolla dhe festa për adoleshentë e të rritur. Sidoqoftë, këtë vit, një pjesë e mirë e familjeve janë detyruar ta kalojnë natën e Halloween-it në shtëpi.
Për ta ndjerë sa më shumë atmosferën e 31 tetorit, më poshtë gjeni disa ide të thjeshta gatimesh, që mund t’i realizoni lehtësisht në kuzhinën tuaj.
*Halloween është një festë që zhvillohet çdo ditë të vitit, më 31 tetor. Tradita filloi me festivalin e lashtë kelt të Samhain, kur njerëzit ndiznin zjarre dhe vishnin kostume për të larguar fantazmat. Me kalimin e kohës, Halloween-i u shndërrua në një ditë aktivitetesh, si “trick or treat”, ku fëmijët trokasin nëpër dyert e fqinjëve, zakonisht për t’u qerasur me karamele, çokollata etj. Në këtë ditë, tashmë njerëzit zgjedhin të shndërrohen në një personazh, që ndonëse supozohet të jetë i frikshëm, nuk ndodh gjithnjë kështu.
1. Lëpirëse si fantazma
Ju duhen disa lëpirëse, fjongo (lidhëse), pëlhurë ose letër e bardhë dhe një bojë e zezë (stilolaps) për të bërë sytë.
2. Përsëri fantazma
Mos u trembni! Nuk do ju kërkojmë të bëni gjithë tortën. Mjafton të vendosni në një tavë ose pjatë të sheshtë pak shllak dhe me çokollatë të shkrirë, t’i bëni “fantazmës” sytë.
3. Kungull dhe fantazma të tjera
Mandarinat dhe bananet janë frutat që tani mund t’i gjeni më lehtë se kurrë. Shndërrojini ato thjeshtësisht në kunguj halloween-i dhe fantazma.
4. Të tjera fruta fantazmë
Shkrini çokollatë të bardhë dhe zhysni aty disa mollë. Përdorni çokollatë të shkrirë për të vizatuar fantazmën. Të njëjtën gjë mund të bëni dhe me luleshtrydhe:
5. Shiringa
Mbushini shiringat me reçel luleshtrydheje, ose diçka tjetër në ngjyrë të kuqe ose vishnje.
6. Lakuriqë nate
Përdorni biskotat që kanë një shtresë të mesme, në ngjyrë të bardhë. Ndajini dy anët e biskotës dhe veçojini diku tjetër të bardhat. Më pas përgjysmoni biskotat, që do të përdorni si krahët e lakuriqit të natës dhe me pjesën e bardhë të biskotave, bëni sytë.
7. Drakula
Ju duhen përsëri biskota më të mëdha, reçel ose një shurup i ëmbël me ngjyrë rozë/të kuqe dhe haribo tip “marshmallow” të bardha.
