Profesori shumëvjeçar dhe patrioti i dëshmuar Haki Shyti është shpallur mësimdhënës i dalluar në Komunën e Mitrovicës.
Profesori i shkollës së mesme “Xheladin Deda”, Haki Shyti ka marrë çmimin dje në palestrën “Minatori”
Haki Shyti është njëri nga mësimdhënësit që ka dhënë kontribut të madh në arsimin mitrovicas, poashtu ai njihet edhe si një intelektualët që ka kontribuar në çdo etapë që ka kalu vendi ynë, shkruan Jepi zë.
Salla e sporteve ku u mbajt kjo cereomoni ishte e mbushur nga mësimdhënës, familjarë dhe shumë figura të njohura
Profesor Shyti ka lindur me 25.07.1958. Ka të kryer Shkollën e Lartë të Muzikës në Prishtinë dhe Fakulteti Filologjik – Letërsi dhe Gjuhë Shqipe në Prishtinë.
Përvoja e punës mbështetur në standardet e profesionit të mësuesisë. Hapin e parë në arsim e bëri në Gjimnazin e Vushtrrisë (1977), ku ligjëroi për artin muzikor njëkohësisht edhe si bashkëpunëtor profesional për mësim dhe aktivitete kulturore, pastaj arsimtar në shkollën’’ Ali Kelmendi’’, SHFMU ‘’Abdullah Shabani’’(1983-2005), drejtor në SHFMU ‘’Abdullah Shabani’’ (2005-2019) dhe profesor i Letërsisë dhe Gjuhës Shqipe në SHMLM ‘’Dr.Xheladin Deda’’ nga 2019 e gjer tani.
