Nuk thonë kot që femra është një forcë e madhe dhe shumë e guximshme.
Një grua shtatzënë, nuk u mendua dy herë për tu hedhur në ujë sapo vuri re një peshkaqen që po i afrohej bashkëshortit të saj ndërkohë që ai ishte duke kryer një zhytje.
Ngjarja ka ndodhur në Florida, ndërkohë që çifti ishin në një anije me familjarët e tyre. Sapo burri i saj u hodh në oqean, një peshkaqen i gjendur aty afër, u sul drejt tij. Margot, sipas deklaratës së lëshuar në polici, nuk e mendoi rrezikun ndaj saj por u hodh menjëherë në ujë për ta shpëtuar.
Reagimi i shpejtë i saj bëri që Andrew të mund të ngjitej me shpejtësi në anije dhe të shoqërohej drejt spitalit më të afërt për të trajtuar plagët e marra. Këto të fundit ishin të rënda siç deklaruan mjekët më vonë por mund të kishte shkuar edhe më keq nëse gruaja e tij nuk do të kishte ndërhyrë për ta ndihmuar.
Fatmirësisht, Margot është shëndoshë e mirë, gjithashtu edhe fëmija.
