Kryetari i Sindikatës së Bashkuar të Arsimit, Shkencës dhe Kulturës, Rrahman Jasharaj ka paralajmëruar protesta në sistemin arsimor në vend pas 2 prillit.
Kryetari i SBASHK-ut nuk ka përjashtuar mundësinë e grevës së përgjithshme, duke shtuar se janë delegatët e Kongresit ata që marrin për veprime sindikale.
“Mundet të ketë grevë të përgjithshme, nëse Qeveria vazhdon kështu dhe nuk plotëson kresat legjitime të SBASHK-ut, atëherë fatkeqësisht më 2 prill delegatët e Kongresit do të marrin vendim për veprime sindikale dhe ashtu si vendosin ata, ashtu edhe do të ndodh ngase ata janë përfaqësues të tërë sektorit të arsimit, por edhe të kulturës sepse edhe shumë nga institucionet e kulturës janë pjesë e SBASHK-ut“, u shpreh Jasharaj.
Por pikërisht nga 2 prill deri më 11 prill parashihet të ketë pushim pranveror për nxënësit.
Jashari i “hatermbetur” edhe pse nuk e ka takuar kryeministri i vendit, ka ‘kërcënuar’ atë se greva mund të nis pikërisht pas 2 prillit.
Mbetet të shihet nëse do të ulen t’i qetësojnë gjakrat dhe të bisedojnë për kërkesat e SBASHK-ut, apo pas pushimit pranveror nëse Rrahman Jashari nuk tërhiqet, nxënësit mund t’iu vazhdohet pushimi edhe pa dëshirën e tyre.
Gjithçka pritet të sqarohet në dy javët e ardhshme.
