Gresa Behluli: Kjo është këshilla që mora nga nëna ime Shkurte Fejza kur nisa të këndojë

Emri i Gresa Behlulit me plotë gojën mund të thuhet se zë vend në mesin e këngëtarëve të suksesshëm të estradës shqiptare.

Nuk është një prej atyre artisteve që me çdo kusht dëshiron të jetë prezente në media, por sa herë lanson këngë ato pëlqehen nga publiku.

Dhe nuk ka si të mos jetë e suksesshme dhe e pëlqyer, pasi është vajza e bilbilit të këngës shqipe, Shkurte Fejza, prandaj nuk thonë kot se ‘dardha pikë nën dardhë’.

Gresa në një intervistë dhënë së fundmi për median “Kids of Kosova” (www.kidsofkosova.net) ka folur edhe për rolin e femrës në shoqërinë kosovare, ku ka thënë se është sfiduese në Kosovë që një grua/femër të krijoi një karrierë të suksesshme, pasi po promovohen anti-vlerat.

Ajo ka treguar se kur ka filluar të këndojë, nëna e saj, Shkurte Fejza i ka dhënë një këshillë që e ka ndihmuar jashtëzakonisht shumë.

“ Unë kur kam filluar të këndoj e kam marr një këshillë nga Nëna ime dhe mendoj se ka qenë ka qenë e artë. Bëhu vetvetja mos e imito askend, sepse vetem kështu e arrinë suksesin. Unë këtë e kam analizuar dhe zbërthyer në jetë dhe vetem duke e krijuar identitetin e vet njeriu arrinë të krijoj edhe vlera, por edhe emrin e vet origjinal. Këtë këshillë ua sugjeroj edhe femrave të reja që sapo ia fillojnë rrugëtimit të tyre. Kjo rrugë është e vështirë por vetem kjo i siguron suksese”, ka thënë Gresa për KidsofKosova.

(KidsofKosova)