a dështuar të vendoset gurthemeli për ndërtimin e Shkollës së Mesme Ekonomike “Isa Boletini” në Podujevë për shkak se janë pezulluar punimet nga Gjykata Komerciale, shkruan AlbanianEducation.net.
Sipas Komunës së Podujevës, kjo është bërë për shkak të ankesës së operatorit ekonomik që nuk e ka fituar tenderin.
“Arsyeja e shtyrjes së kësaj ceremonie është një vendim i Gjykatës Komerciale, e cila e ka pezulluar përkohësisht ekzekutimin e kontratës lidhur me ndërtimin e këtij objekti. Kontrata për ndërtimin e objektit të Shkollës së Mesme Ekonomike është nënshkruar më 27 maj. Ndërkohë, edhe pse vendimi i Gjykatës Komerciale është marrë më 30 maj, ky institucion nuk e ka njoftuar asnjëherë Komunën e Podujevës me vendimin e saj. Ky vendim i është dërguar nga operatori ekonomik ankues kabinetit të kryetarit të Komunës, z.Shpejtim Bulliqi mbrëmjen e së premtes, por jo edhe nga Gjykata Komerciale”, thuhet në njoftimin e Komunës së Podujevës.
Njoftimi i plotë:
NJOFTIM PËR SHTYRJE TË CEREMONISË SË VËNIES SË GURIT THEMELTAR TË SHKOLLËS EKONOMIKE
Zyra për Marrëdhënie me Publikun dhe Informim e Komunës së Podujevës me keqardhje ju njofton se është shtyrë ceremonia e vënies së gurit themltar për ndërtimin e objektit të Shkollës së Mesme Ekonomike “Isa Boletini”.
Arsyeja e shtyrjes së kësaj ceremonie është një vendim i Gjykatës Komerciale, e cila e ka pezulluar përkohësisht ekzekutimin e kontratës lidhur me ndërtimin e këtij objekti. Kontrata për ndërtimin e objektit të Shkollës së Mesme Ekonomike është nënshkruar më 27 maj. Ndërkohë, edhe pse vendimi i Gjykatës Komerciale është marrë më 30 maj, ky institucion nuk e ka njoftuar asnjëherë Komunën e Podujevës me vendimin e saj. Ky vendim i është dërguar nga operatori ekonomik ankues kabinetit të kryetarit të Komunës, z.Shpejtim Bulliqi mbrëmjen e së premtes, por jo edhe nga Gjykata Komerciale.
Aktiviteti i prokurimit lidhur me ndërtimin e këtij objekti shkollor ka nisur në vitin e kaluar dhe pas shqyrtimit të ankesës së operatorit ekonomik nga Organi Shqyrtues i Prokurimit, ky institucion kishte marrë vendim, nëpërmjet të cilit i ka dhënë të drejtë operatorit ekonomik me të cilin Komuna ka lidhur kontratë.
Lidhur me këtë çështje sqarim para mediave ka dhënë edhe drejtori për Arsim, Avni Fetahu.
Për ceremoninë e vënies së gurit themeltar të këtij objekti do të njoftoheni me kohë.
08.06.2024, Podujevë
Zyra për Marrëdhënie me Publikun dhe Informim
