Gjuha shqipe tashmë është futur si lëndë zgjedhore në Universitetin e Harvardit, ku studentët e të gjitha niveleve do ta kenë mundësinë ta mësojnë atë.
Administratori në Departamentin e Letërsisë krahasuese në Universitetin e Harvardit, Faton Limani ka treguar për Tëvë 1 se si erdhi deri te ideja për futjen e gjuhës shqipe në këtë universitet.
Sipas tij, shkak i përshpejtimit të këtij procesi janë vetë kërkesat e studentëve shqiptaro-amerikanë.
“Studentët shqiptaro-amerikan e kërkuan si lëndë dhe nuk po e gjenin dot dhe ne filluam bisedat me departamente të ndryshme, duke përfshirë edhe departamentin ku unë jam administrator dhe pastaj u bë e mundur”, tha Limani.
E studentët shqiptarë e mirëpritën këtë lajm, teksa interesim formal të institucioneve të Kosovës nuk ka pasur për këtë çështje.
