Gjimnazi “Xhevdet Doda” në Prishtinë shënoi Ditën e Shkollës me një sërë aktivitetesh kulturore, artistike dhe edukative, të cilat sollën në pah angazhimin dhe potencialin krijues të nxënësve dhe stafit pedagogjik, shkruan AlbanianEducation.net.
Ngjarja, e organizuar me përkushtim dhe bashkëpunim të ngushtë mes profesorëve dhe klubeve shkollore, u karakterizua nga një atmosferë festive dhe një program i pasur, duke e kthyer këtë ditë në një moment domethënës për jetën shkollore dhe komunitetin arsimor.
Njoftimi i shkollës:
Më datë 13.11.2025 u mbajt “Dita e Shkollës”, një ngjarje e mbushur me aktivitete të ndryshme, të cilat pasqyruan talentin, kreativitetin dhe bashkëpunimin e nxënësve dhe mësimdhënësve.
Falë angazhimit të profesorëve dhe pjesëmarrjes së nxënësve, dita u shndërrua në një festë të vërtetë të dijes dhe artit. 🎉
Gjatë ditës u zhvilluan disa aktivitete të rëndësishme:
•🎶 Klubi i muzikës, i udhëhequr nga prof. Ilvije Dragusha, solli interpretime të bukura muzikore dhe atmosferë festive.
•💃 Klubi i vallëzimit “Ëndërr”, nën drejtimin e prof. Nerxhivane Rafuna, prezantoi koreografi të përgatitura me pasion dhe energji.
•📚 Ora letrare, e përgatitur nga prof. Manushaqe Berisha, solli krijime, lexime dhe prezantime të realizuara me kujdes.
Në juri ishin profesorët e aktivit të gjuhës shqipe: Sabrije Musliu, Hysen Neziri dhe Bukurije Osmani, të cilët vlerësuan paraqitjet me profesionalizëm.
• U mbajt edhe 🧠 finalja e kuizit të diturisë, ku nxënësit treguan njohuri, shkathtësi dhe një frymë të fortë gare.
Në fund të aktiviteteve, në shenjë vlerësimi për përkushtimin dhe punën e pandalshme, profesorëve pjesëmarrës iu ndanë mirënjohje 🙏, si një falënderim simbolik për kontributin e tyre të çmuar.
Gjithashtu, e falënderojmë mysafirin tonë, drejtorin e Drejtorisë së Arsimit, z. Samir Shahini, si edhe drejtoreshën e KDSH-së, znj. Nazlije Krasniqi Korça, për pjesëmarrjen dhe mbështetjen e tyre në këtë ditë të rëndësishme për shkollën tonë. 🤝
✨ Dita e Shkollës përfundoi me shumë sukses, duke dëshmuar se kur bashkohen talenti, përkushtimi dhe mbështetja, rezultatet janë gjithmonë të jashtëzakonshme.
