Gjimnazi “Skënderbeu” në Kaçanik shpërblen nxënësit e shkëlqyer në gjysmëvjetorin e parë të vitit shkollor 2023/2024, duke organizuar një takim festiv
Fjala përshëndetëse dhe inkurajuese e drejtorit të shkollës Shefki Guri, prof i fizikës.
Përshëndetje për gjithë dhe mirë se keni ardhur në këtë ditë festive.
Të dashur nxënës, të nderuar prindër dhe shumë të respektuar profesoresha dhe profesor të Gjimnazit “Skënderbeu”, sot ju kemi ftuar të ndajmë një pjesë gëzimi dhe krenarie për nxënësit tanë dhe fëmijët e juaj që janë frymëzim për nxënësit e tjerë të shkollës tonë.
Dita e shpalljes së nxënësve më të mirë në Gjimnazin ”Skënderbeu” është një moment i madh për t’u festuar dhe për të nderuar arritjet e tyre të jashtëzakonshme.
Sot, ne përshëndesim dhe festojmë vullnetin e tyre të palodhur për të mësuar, përkushtimin e tyre ndaj njohurive dhe pasionin e tyre për zhvillimin personal dhe profesional.
Kjo ditë është një shkëlqim i sukseseve të tyre dhe një dëshmi e talentit, punës së palodhur dhe zotësive të tyre unike.
Me këtë rast, ne shprehim falënderimin tonë më të thellë për punën e palodhur të nxënësve të shquar.
Këta janë shembuj frymëzimi për të gjithë ne, dhe dëshmojnë se me përkushtim dhe angazhim, çdo gjë është e mundur.
Në këtë ditë të veçantë, ne i nderojmë ata për arritjet e tyre dhe për kontributin e tyre të jashtëzakonshëm në komunitetin e gjimnazit tonë.
Le të ndriçohemi nga sukseset e tyre dhe le të përqafojmë frymën e kreativitetit dhe njohurive që këta sjellin në mjedisin tonë.
Të gjithë ne jemi privilegjuar që kemi pasur mundësinë të punojmë dhe të mësojmë bashkë me ta.
Ju bëjmë thirrje të vazhdoni të ndizni shkëlqimin tuaj në rrugën tuaj të ardhshme dhe të bëheni frymëzim për të tjerët, ashtu siç jeni për ne.
Urime për të gjithë ju nxënës të dashur, duke ju dëshiruar suksese dhe gjitha të mirat tek ju dhe familjet e juaja!
