90 për qind e arsimtarëve në gjimnazin “Ahmet Gashi” janë kundër nisjes së mësimit të hënën.
Në këtë shkollë kanë thënë se presin reflektim nga Qeveria për realizimin e kërkesave të tyre.
“Arsyeja kryesore është sepse ne kemi mbetur në atë rrugën ku realisht edhe mësimdhënësit në këtë rast edhe nxënësit janë viktimë përkatësisht e mos daljes nga situata ndërmjet SBASHK-ut dhe Qeverisë, thjesht ata duhet të reflektojnë, përkatësisht Qeveria”, pohoi Xhelal Hajrullahu, mësimdhënës në gjimnazin “Ahmet Gashi”, për KOHA.
Drejtori i këtij gjimnazi, Haxhi Metaj, ka thënë se vendimi nuk është definitiv, pasi kanë vendosur që ta diskutojnë edhe një herë propozimin për pezullim të grevës.
Më së largu gjatë fundjavës SBASHK-u pritet të dalë me rezultatet e përgjithshme të votimit.
Që nga 25 gushti, mësimdhënësit janë në grevë të përgjithshme, me kërkesën për shtesë mbi pagë në vlerën e 100 eurove.
