Shkollat “Mehmet Gjevori” dhe “Dituria” kanë ndërmarrë aksion për të ndihmuar fëmijët në spitalin e pediatrisë, shkruan AlbanianEducation.net.
Në njoftim thuhet se me shumën prej 470 euro, një pjesë u përdor për të blerë dhurata, rroba dhe mjete higjenike për fëmijët dhe një pjesë tjetër u dorëzua fizikisht në duar të prindërve në spital.
Njoftimi:
Në një botë ku shpesh përmenden sfidat dhe vështirësitë, ka edhe shembuj që na kujtojnë se dashuria dhe kujdesi për të tjerët janë ato që e bëjnë botën më të mirë.
Shkolla “Mehmet Gjevori” dhe SHFMU”DITURIA”Shkabaj filluan një nismë bamirësie për të ndihmuar fëmijët në spitalin e pediatrisë. Me shumën prej 470 euro, një pjesë u përdor për të blerë dhurata, rroba dhe mjete higjenike për fëmijët dhe një pjesë tjetër u dorëzua fizikisht në duar të prindërve në spital.
Një falenderim i ngrohtë dhe i thellë për të gjithë stafin e shkollave “Mehmet Gjevori” dhe “Dituria” të cilët me shumë përkushtim dhe dashuri kontribuan në këtë akt bamirësie. Pa mundin dhe angazhimin tuaj, kjo iniciativë do të ishte e pamundur. Faleminderit për zemrën tuaj të madhe dhe për shembullin e shkëlqyer të solidaritetit!
