Një djalë i vogël 3 vjeç ka mbijetuar për mrekulli në një gomone në mes të liqenit për gati një ditë, pasi prindërit e tij u mbytën gjatë një stuhie.
Tre vjeçari, i quajtur Fedya, u gjet pa ndjenja brenda gomones në një liqen në Rusi, afër kufirit me Korenë e Veriut.
Më pas ekipet e shpëtimit filluan kërkimin për gjetjen e prindërve të vogëlushit, Cristina Podareva, 31 vjeç dhe Andrey Savochkin, 41 vjeç. Prindërit i mësuan djalit të tyre si të fikte motorin e gomones.
Por mbetet e paqartë saktësisht se çfarë ndodhi me familjen në Liqenin Khanka në rajonin lindor rus të Primorsky Krai dhe si Fedya arriti të mbijetojë.
Djali u gjet i vetëm në gomone pas 24 orëve nga mbytja e prindërve të tij, të cilët nuk ishin në gjendje të ktheheshin në gomone pasi ranë në liqen.
