Urimi për 2026 nga mëuesja Rrezarta Dushi
Viti 2026 vjen si një faqe e re shprese, reflektimi dhe përkushtimi për mësimdhënësit, të cilët mbeten shtylla kryesore e arsimit dhe formimit të brezave të rinj.
Pas një viti plot sfida dhe vështirësi, mësimdhënësit hynë në këtë vit me përvojë më të madhe, forcë shpirtërore dhe dëshirë të palodhur për të dhënë më të mirën në misionin e tyre fisnik.
Sfida të shumta i shoqërojnë çdo ditë: ndryshimet e vazhdueshme në kurrikula, përshtatja me teknologjinë, ngarkesa administrative, si dhe nevojat e ndryshme emocionale dhe arsimore të nxënësve.
Megjithatë, pavarësisht lodhjes dhe mungesës së kushteve ideale, mësimdhënësit vazhdojnë të jenë shembull durimi, përkushtimi dhe dashurie për dijen.
Vështirësitë nuk i kanë ndalur ata të organizojnë aktivitete të shumta edukative e kulturore.
Në vitin 2026, besoj qe shkollat do të vazhdojnë të gjallërohen me projekte mësimore, aktivitete artistike, orë letrare, gara diturie dhe bashkëpunime që nxisin kreativitetin dhe mendimin kritik të nxënësve.
Çdo aktivitet është një mundësi për të ndërtuar vlera, për të forcuar bashkëpunimin dhe për të mbjellë besim në të ardhmen.
Viti 2026 është një vit falënderimi për mësimdhënësit – për fjalën e mirë në momentet e vështira, për dorën e zgjatur kur nxënësit kishin nevojë dhe për dritën e dijes që nuk u shua kurrë.
Me shpresën për më shumë mbështetje, respekt dhe vlerësim, mësimdhënësit vazhdojnë rrugëtimin e tyre, duke ndërtuar themele të forta për një shoqëri më të ditur dhe më humane.
Gëzuar dhe shumë suksese në vitin 2026 të gjithë mësimdhënësve 🥂
