- Advertisement5 -
Ministrja e Arsimit, Arbërie Nagavci, ka qëndruar së fundmi në Izrael ku ka zhvilluar disa takime.
- paragrafi 1 -
Ajo atje ka takuar edhe nxënës nga Kosova që shkollohen në Izrael.
- Advertisement -
Gent Jusufi, Fiona Kusari dhe Dita Hazir janë tre nxënësit që po zhvillojnë mësimet në Izrael, ka njoftuar Nagavci e cila ka realizuar dhe foto me ta, shkrua Albanian Kids Education.
Postimi i plotë i ministres:
Në kuadër të vizitës zyrtare në Izrael, takova përfaqësues të Universitetit “Bar Ilan”, Institutit për Teknologji “Holon”, Kolegjit Akademik “Zefat”, si dhe shkollës së mesme të lartë “Herzog”.
I falenderova për mikpritjen dhe mundësitë e ofruara për bashkëpunim.
Rektorë, dekanë, profesorë, drejtorë shkollash e mësimdhënës ndanë përvojat e tyre në përgatitjen e nxënësve e studentëve sidomos në fushën e teknologjisë dhe inxhinierisë, matematikës, mjekesisë digjitale, programet specifike për vajzat/gratë në IT dhe ndërmarrësi.
Bashkë u pajtuam që të shohim mundesitë për bashkëpunim në arsimin e lartë, shkëmbimin e studentëve dhe profesorëve përmes projekteve të përbashkëta.
Gjatë këtyre vizitave kisha kënaqësinë të takoj 3 nxënës nga Kosova të cilët janë duke vijuar shkollimin në Izrael: Gent Jusufi, Fiona Kusari dhe Dita Haziri me ç’rast ju dëshirova suksese në shkollimin e tyre.
Falenderuese edhe ndaj të ngarkuarës me punë në Ambasadën e Kosovës në Izrael, Ines Demiri për bashkëpunimin dhe organizimin e mbarëvajtjen e këtyre takimeve.
