Bërja e fotografive të nënave që ushqejnë fëmijën me gji në publik pa pëlqimin e tyre është një krim në Angli dhe Uells tashmë.
Sekretari i Drejtësisë, Dominic Raab, tha se masa do të ndalonte ngacmimin e grave, qoftë për vetëkënaqësi apo për qëllime ngacmimi.
Aktivistët e mirëpritën vendimin, duke e quajtur atë një fitore për nënat gjidhënëse.
Zoti Raab konfirmoi gjithashtu një amendament tjetër të projektligjit për t’u dhënë viktimave të abuzimit në familje më shumë kohë për të raportuar krimet në polici.
Dizajnerja me bazë në Manchester Julia Cooper filloi fushatën për të bërë të paligjshme fotografimin e nënave që ushqejnë fëmijën me gji, pas përvojës së saj në një park lokal prillin e kaluar.
“U ula për të ushqyer vajzën time me gji dhe vura re një burrë në një stol tjetër që na shikonte”, tha ajo për BBC.”Pa u penguar ai mori aparatin e tij dixhital, vendosi një lente zmadhimi dhe filloi të na fotografonte.”
Zonja Cooper tha se ishte “plotësisht e tronditur dhe e shkatërruar” nga incidenti, por problemet e saj vazhduan pasi Policia e Mancesterit i tha asaj se nuk ishte kryer asnjë krim dhe se nuk mund të bënin asgjë.
