Flutura Hamza Azemi është përzgjedhur si mësimdhënësja më e dalluar e shkollës “Ismail Qrmali” në Prishtinë, shkruan AlbanianEducation.net.
Njoftimi i shkollës:
ShFMU Model “Ismail Qemali” ka përzgjedhur Flutura Hamza Azemi si mësimdhënësen më të dalluar të shkollës sonë.
Bashkëpunimi i shkëlqyeshëm me prindërit, puna e përbashkët me kolegët është një ndër vlerat më të rëndësishme të punës së saj. Gatishmëria e mësueses Flutura është që gjithnjë të kontribuojë për të mirën e nxënësve të shkollës sonë.
Kontributi i saj në ngritjen e cilësisë në procesin mësimor, po vazhdon si një mësimdhënëse me tipare të larta në të gjitha fushat si: bashkëpunuese me nxënësit, kolegët dhe me komunitetin, me një përkushtim të lartë ndaj punës, kreative, fleksibile dhe e kujdesshme në bartjen e njohurive tek nxënësit.
Duke e vlerësuar lartë kontributin e mësimdhënëses si dhe rezultatet e treguara, drejtoria e shkollës e uron dhe e përgëzon mësuesen për punën dhe përkushtimin e saj duke ia uruar çmimin si mësimdhënëse e dalluar për këtë vit.
