Nga Ema Shazivari
Mortaliteti në vitin e parë të jetës është edhe më i lartë. Guriel Nasto nga materniteti “Koco Gliozheni” thotë se janë 5 shkaqet kryesore të vdekjeve.
“Konsiderohet vdekshmëria që ndodh brenda vitit të parë të jetës. Shkaqet më madhore janë kryesisht defektet e lindura, anomalitë e lindura të zemrës, mushkërisë, një shkak tjetër madhor janë lindjet parakohe. Një shkak tjetër është vdekja e papritur, mbytjet dhe komplikacione gjatë shtatzënisë”, thekson mjeku.
Në disa raste janë edhe kushtet që nënat e vijojnë shtatzëninë. Mjeku thotë se për shkak të situatave të ndryshme ndër të cilat edhe depresioni, ka nëna të cilat janë konsumatore të substancave narkotike, duhanit dhe alkoolit.
“Rastet më shqetësuese janë ato të nënave që kanë probleme shëndetësore. Ato që janë përdoruese të drograve dhe konsumi i duhanit gjatë shtatzënisë”, thotë ai.
Për fat të mirë gjatë periudhës së pandemisë, në maternitetin “Koço Gliozheni”, nuk ka humbur jetën nga Covid asnjë foshnje
