Filloristët në Kosovë renditen ndër të fundit për matematikë dhe shkencë

• TIMSS ka publikuar rezultatet nga testimi i njohurive të nxënësve në nivelin fillor në fushën e matematikës dhe shkencës. Kosova i nënshtrohet këtij testi vetëm me nxënësit e klasës së katërt.

Nga 58 shtete pjesëmarrëse, Kosova ka dalë në vendin e 47-të në fushën e matematikës. Kurse në atë të shkencës ka dalë në vendin e 55-të.

Vlerësimi i organizuar nga Organizata Ndërkombëtare për Vlerësimin e të Arriturave në Arsim pati filluar më 27 maj dhe ishte përmbyllur në qershor.

Në vitin 2019, Kosova ka marrë pjesë për herë të parë në testimin ndërkombëtar TIMSS. Atëkohë, nxënësit kosovarë ishin radhitur në vendin e 54-t në mesin e 64 shteteve pjesëmarrëse.

Ky studim ndërkombëtar matë arritjen e nxënësve në matematikë dhe shkencë çdo katër vjet duke administruar teste në një mostër nxënësit në klasën e katërt dhe të tetë.