Mëngjesi i së enjtes ka qenë i vështirë për fermerin Ramë Mujaj nga Strellci i Epërm i Deçanit.
Kur është zgjuar nuk e ka parë kopen e deleve si çdo ditë tjetër. Ka parë atë që nuk mund ta kishte menduar kurrë. 12 dele të shtrira e përgjakura në tokë, bërë cope-copë.
Ai kur është ofruar e ka kuptuar sekopenë me 12 dele ia ka mbytur ujku.
“Gjithë hapësira është e rrethuar me tela xhemborë, por ujku kishte gërmuar poshtë në tokë dhe kishte arritur të futet në vendin ku mbaheshin delet dhe ka mbytur 12 dele. Është hera e parë që sulmohet në masë kaq të madhe kopeja e deleve në këto anë, është edhe trishtueshëm”, ka thënë fermeri Mujaj nga Strellci i Epërm i Deçanit për Kids of Kosova.
Ai ka thënë se tashmë nuk e ka asnjë dele por që pret që të ndihmohet.
“Pres që të më ndihmojnë, nuk kam asnjë dele më”, ka pohuar ai.
Ndërsa, Rifat Stojkaj, drejtor i Bujqësisë në komunën e Deçanit ka thënë se kanë dalë sot në vendin e ngjarjes dhe kanë konstatuar se kjo kope është sulmuar nga ujku.
“Ne si institucion komunal ishim sot atje. Tani e përgatisim një raport e të shohim”, ka deklaruar Stojkaj.
Më poshtë videon e siguruar nga Kids of Kosova:
