Fëmijët shqiptarë të Greqisë ftohen të mësojnë gjuhën shqipe

Lidhja e Mësuesve Shqiptarë në Greqi, në Ditën Ndërkombëtare të Mësuesit, ka ftuar fëmijët shqiptarë të ndjekin mësimin e gjuhës amtare, i cili jepet falas nga mësuesit e Lidhjes.

“Duke i quajtur mësuesit, ruajtës të gjuhës, kulturës dhe identitetit tonë kombëtar, LMSHG-ja përcjell se tekstet shkollore dhe materialet didaktike plotësuese, gjithashtu falas, kanë mbërritur në kohë në Greqi, nën kujdesin e Qendrës së Botimeve për Diasporën dhe përfaqësive tona diplomatike atje”, thuhet në njoftimin e Qendrës së Botimeve për Diasporën.